Page 246 - design_Topcubashov_Full_Layout 1

Ә.TOPÇUBAŞOVUN DӘNİZÇİLİK
NAZİRİ RAUF BӘYLӘ SÖHBӘTİNİN
YAZISI

3 noyabr 1918-ci il, saat 21.30–22.20
Türkiyә Dәnizçilik Nazirliyinin binası

Rauf bәy dәnizçi formasında, başında kepka nazirliyin
sәliqә ilә döşәnmiş, rahat qәbul otağına daxil olur.
Rauf bәy. Salam. Sizinlә görüşmәyә yalnız indi vaxt
tapa bildiyimә görә çox-çox üzr istәyirәm. Çünki İstanbula
yalnız dünәn qayıtmışam. Vizit kartınızı gördüm. Sonra
özünüz telefonla iki dәfә zәng vurub görüşmәk istәdiyinizi
dediniz. Amma hәqiqәtәn, çox mәşğul idim. Elә indi dә
sәdrәzәm yanına çağırıb, ora getmәliyәm. Bir daha xahiş
edirәm, üzrlü sayasınız.
246 Mәn. Sizi işlәrinizdәn ayırdığıma görә, әslindә, mәn
üzrxahlıq etmәliyәm. Bilirәm ki, çox mәşğulsunuz, hәm dә
yorulmusunuz. Üstәlik, belә gec saatda bir tәrәfdәn dә mәn
gәlib rahatlığınızı pozuram. Lakin Azәrbaycan Cümhuriyyәtinin
nümayәndәsi kimi, üzәrimә qoyulan mühüm vәzifә bәndәnizi
bu addımı atmağa vadar edir. Batum vә Trabzonda siz
Azәrbaycana, onun maraqlarına olan sәdaqәtinizi, ehtiramınızı
yetәrincә sübut etdiniz. Bu haqda hәmin konfranslara qatılan
nümayәndәlәrimiz elә şövqlә, elә ürәkdәn danışırdılar ki,
indiyә qәdәr sizi cәmisi bir dәfә görmәyimә baxmayaraq,
mәn dә şәxsinizә böyük sayğı vә mәhәbbәtlә yanaşıram,
ölkәmizin әn yaxın, sәmimi dostlarından biri olduğunuza
ürәkdәn inanıram.
Rauf bәy. Çox tәşәkkür edirәm. Azәrbaycana münasi -
bә timin әsla dәyişmәdiyini vә әvvәlki kimi saf, sәmimi
qaldığına inanmağınızı istәyirәm. Ancaq indi bütün diqqәtimiz,
tәbii olaraq, Türkiyәyә yönәlib. Çünki ölkәni çox ciddi