Page 225 - design_Topcubashov_Full_Layout 1

...Xalqımızın müstəqil yaşayacağına inanırdıq

sәrhәdlәr vә s. mәsәlәlәrlә bağlı aranızdakı mübahisәlәrin
hәllini özünüz tapmalısınız.
Fikrimcә, dediyim mәsәlәlәrin nizama salınması hәr üç
xalqın buradakı tәmsilçilәrinin әsas vәzifәsi olmalıdır. Әlbәttә,
danışıqlar zamanı 5–6 sәrhәd kәndi ilә bağlı mübahisәlәrdә
güzәştә getmәk lazım gәlәcәk. Çünki yalnız bu yolla yeni
dövlәtlәrinizi qurmağa nail ola bilәrsiniz. Yalnız bu şәrtlәr
daxilindә Qafqaz xalqlarının nümayәndәlәri ilә әl-әlә verib
sülh konqresinә 337 birgә gedә bilәrik. Qafqazda müstәqil
Azәrbaycan dövlәti görmәklә bağlı çoxdankı arzumuzu
gerçәyә çevirmәk üçün bu mәsәlәdә sizә dәstәk vermәyә
çalışacağıq.
Mәn. Paşa hәzrәtlәri! Qafqazda müstәqil Azәrbaycan
dövlәtinin mövcudluğunu görmәk niyyәti ilә bağlı sizin
simanızda böyük müttәfiqimiz vә himayәçimiz Tükiyәyә
ürәkdәn gәlәn minnәtdarlığımı bildirmәk üçün söz tapa
bilmirәm. Bizim bütün gәlәcәyimiz müstәqilliyә köklәnib.
Azәrbaycan türklәrinin olum, ya ölüm seçimi, hәyatda qalıb 225
yaşaması, yaxud dünyadan yox olub getmәsi yalnız müstәqillik
mәsәlәsinin hәllinә bağlıdır.
Türk bahadırların – әsgәrlәrin dövlәtimizin paytaxtı
Bakının azad edilmәsi uğrunda apardıqları qәhrәmancasına,
qalibiyyәtlә başa çatan bu mübarizә xalqımıza böyük ümidlәr
verir vә qәti olaraq inandırır ki, Azәrbaycan dövlәtinin
müstәqil mövcudluğunu tәmin edәcәyik. Bu mәnada artıq
kiminsә bizi tanımasına xüsusi ehtiyac duymadan sakit
yaşaya bilәrik.
Tәlәt paşa. Siz türkcә gözәl danışırsınız.
Mәn. Axı özüm dә türkәm. Azәrbaycan müsәlmanları
özlәrini türk sayırlar. Ümid edirik ki, millәtimizin adı ilә
bağlı seçimimiz dә tam etiraf olunacaq. Siz Azәrbaycan
türklәrini öz qonşuları – gürcülәr vә ermәnilәrlә sülh vә
dinclik şәraitindә yaşamağa çağırırsınız. Dövlәtimizin
yarandığı ilk gündәn Türkiyә siyasәti ilә hәmahәng
addımlamağı özümüzә borc saymışıq. Dediyiniz mәsәlәdә