Page 166 - design_Topcubashov_Full_Layout 1

Əlimərdan bəy Topçubaşov

müxtәlif nağıllar uydurulur. Son günlәr alınan teleqramlar
Qars, Bakı, İrәvan vә başqa şәhәrlәrdә yaşayan müxtәlif
millәtlәrin nümayәndәlәrinin müsәlmanlar әleyhinә
hazırladıqları tәxribatlar haqqında bir-birindәn hәyәcanlı
xәbәrlәr verir. Müsәlmanların guya dövlәtә vә xristian әhaliyә
qarşı çevrilmiş qәsdlәri ilә bağlı şahidlәrin olması barәdә
şayiәlәr yayırlar.
Planlı hәyata keçirilәn bu tәxribatlar nәticәsindә İrәvanda,
Qarsda, habelә Türkiyәdәn alınmış bir sıra şәhәr vә vilayәtlәrdә
hәrbi hissәlәrin müsәlmanlara qarşı hәrәkәtә başladıqları da
yayılan xәbәrlәr arasındadır. Onlar artıq Bakının bir hissәsini
әlә keçiriblәr. Mәsәlә bundadır ki, baş verәn hadisәlәrdә
yalnız müsәlmanlar deyil, Qafqazın bütün xalqları, bölgәnin
bütün sakinlәri zәrәr görә bilәrlәr. Bu tәxribatlara son
qoymaq, onların kökünü birdәfәlik kәsmәk vә sakitlik
yaratmaq üçün әn sәrt tәdbirlәr görmәk zәruridir.
Mәlumatlarımız sәhih mәnbәlәrdәndir, müsәlman siyasi vә
166 ictimai tәşkilatlarının Bakı komitәsindәn daxil olub. Hәmin
komitәnin üzvlәrindәn Mәhәmmәd Әmin Rәsulzadә vә
Әsәdullayev 263 burada iştirak edirlәr. İşlәrimizlә, mövcud
vәziyyәtlә yaxından maraqlanan komitәmiz dә oxşar
mәlumatlar almaqdadır.
Nuxa şәhәrindә dә dәhşәtli hadisәlәr baş vermәkdәdir.
80 min әhalisi olan şәhәrdә 5–6 min xristian yaşayır. Oradan
gәlәn teleqramda xristianların Nuxaya hücum etmәk vә qan
axıtmaq niyyәtindә olduqları barәdә xәbәr verilir.
Eyni zamanda hәm utanc, hәm dә kәdәr hissi doğuran
bu hadisәlәri tәhqiq etmәyin, onların hәqiqi mahiyyәtini rus
xalqına çatdırmağın zәruriliyi haqda çox danışılır. Cәsur
müsәlmanların bu çirkin oyunlarla heç bir әlaqәsinin olmadığını
göstәrmәk, qana hәris tәxribatçıların maskalarını qoparıb
atmaq tәlәb edilir.
Biz azad Rusiya vәtәndaşlarının hәqiqi dostları, qardaşları
olmaq istәyirik. Biz azadlıq uğrunda çarpışırıq, eyni zamanda