Page 284 - Tarey Vesos_Макет 1

Tarey Vesos
Mattis bacısına öyrәncәliydi – elә әlini uzatmağa bәnddi, Xeqe
dәrhal tutacaq.
– Yolda olan o quş… – Mattis başlasa da, davam elәyә
bilmәdi.
– Öldürülәn quş? Nә mәsәlәdi?
– Heç nә, sadәcә, ona güllә dәydi.
Xeqe biganәliklә:
– Mattis, әzizim, bәsdi, daha bu quşları yaddan çıxar, – dedi
vә sәsi elә çıxdı ki, elә bil indicә şәn bir mahnı da oxuyacaqdı.
Amma Mattisin gözlәri onu saxladı.
Qardaşı ciddi tәrzdә:
– Sәni heç anlaya bilmirәm, – dedi.
Vә mahnının kitabı bağlandı.
Xeqe qәtiyyәtlә:
– Bәsdi daha, kişi ol, Mattis, – dedi. – Bir az da kişilәr kimi
düşün.
Mattis gәrginlik içindә:
– Nә barәdә? – soruşdu.
– Bir az başqalarını da düşün. Kişi başqalarını da düşünmәlidi.
– Hansı başqalarını? – bu aciz sualıyla bacısını qorxutdu.
Xeqe cavab vermәdi.

Yenә hәr gün gölә gedirdi. Düşünürdü ki, az qalıb, bugün-
sabah kimsә mütlәq onu sәslәyәcәk. Geci-tezi var idi, amma bu,
mütlәq baş vermәliydi.
Xeqe ona: “Kişi ol”, – dedi. Әvvәl belә sözlәr demәzdi.
Qayığını yamaya-yamaya qalmışdı. Hәr sәhәr әsgi-üsgü,
parça axtarırdı. Yeni qayıq elә uzaq gәlәcәkdәydi ki, artıq
xәyallarında da onu görә bilmirdi.
Kişi ol!
Mattis çaşqınlıq içindә bu tәlәbi götür-qoy elәyirdi.
Xeqe xoşbәxtlikdәn tamam başını itirib vә indi nә dediyini
özü dә bilmir – yәqin, mәsәlә dә bundadı.
Mattis elә yenicә qayığı suya salmağa hazırlaşırdı ki, qulağına
gurultuyaoxşar qırıq-qırıq sәs gәldi.

284