Page 282 - Tarey Vesos_Макет 1

Tarey Vesos
vә o, canında, bacısının әllәrinin istisini hiss etdi. Xeqenin sifәti
qәribәydi:
– Tanrının kölgәsi hәmişә üstündә olsun, Mattis! Nә yaxşı ki
sәn qayıqçı olmaq istәdin, – dedi.
Elә o dәqiqә utanan kimi oldu vә qardaşından ayrılıb Yörgenin
yanına qayıtdı.
Mattis özünә sual verdi: “Yaxşı, әgәr Yörgenlә bir-birlәrini
sevirdilәrsә, niyә axı o gün Xeqe mәnә belә bәrkdәn acıqlandı?
Görәn, özündәn soruşummu? Yox”.
Bunun әvәzindә:
– Sevgililәr cürbәcür olur, – dedi vә hәr halda, istәr-istәmәz
tәhlükәli mövzuya toxundu.
Xeqeylә Yörgen nәsә tәşviş keçirdi. Doğrudanmı bu dәfә
dediyi onlara hәddindәn artıq ağıllı göründü? Mattis belә düşündü.
Xeqe soruşdu:
– Sәn nәyi nәzәrdә tutursan?
Mattis cavabında:
– Mәn sevgililәrin necә olduğunu artıq görmüşәm, – dedi. –
Ancaq bunu nәzәrdә tuturdum, vәssalam. Yayda mәn bir cüt
sevgiliylә tarlada işlәyirdim. Onlar elә hey bir-birlәrinin budlarını
çimdiklәyirdilәr.
Xeqeylә Yörgenin eyni açıldı. Tәhlükә sovuşmuşdu.
Xeqe:
– Onlar cavan olublar, – dedi. – Yalnız gәnc sevgililәr bir-
birlәrini çimdiklәyir.
Yörgen susurdu.
Mattis:
– Onlar hәm dә bütün günü xoş әhvaldaydılar, – әlavә etdi.
Xeqe:
– Belә dә olmalıdı, – dedi.
– Bәs onda sәn niyә o gün mәnә acıqlıydın?
Bu sözlәr Xeqenin dediklәrinә cavab kimi ağzından qeyri-ix-
tiyari çıxdı. Bu sözlәri daha geri qaytara bilmәzdi. Әslindә, bunu
demәyi yaxşı oldu.
Xeqe utana-utana gözünü döydü.

282