Page 278 - Tarey Vesos_Макет 1

Tarey Vesos
Xeqe tez-tәlәsik:
– Sәn nә bilirsәn axı? Әgәr ortada heç nә yoxdusa, nәyi
bilirsәn? – soruşdu, – Sәn mәni tәngә gәtirmәmisәn.
Mattis bacısının çox ağıllı olduğunu düşündü. Amma indi
özü ondan ağıllıydı. İndi o, Yörgeni nәzәrdә tutmuşdu, bacısı da
bunu dәrhal anladı, amma onun başını aldada bilmәdi. Qayıqla
göldә üzәrkәn bu barәdә günlәrlә әbәs yerә düşünmәmişdi ki.
Әgәr bacısını bezdiribsә, demәk, bu, Yörgenlә әlaqәlidi. Belә
davam edә bilmәz, bu işә әncam çәkilmәlidi.
Mattis birdәn çardağa tәrәf üzünü tutub:
– Yörgen, bura gәl! – qışqırdı. Hündürdәn gәlәn sәsindә hәm
dә hiddәt vardı.
Xeqe narahat oldu:
– Mattis! Nә elәmәk istәyirsәn?
– Yörgen, düş aşağı!
Xeqe qәrara aldı ki, qardaşı tamam çaşıb vә onu sakitlәşdirmәk
üçün çiynindәn yapışdı.
– Sus! – bacısı hirsli pıçıltıyla onu hәdәlәdi. – Nәdi, dәli ol-
musan? O, sәnin haqqında nә fikirlәşәr? Gәl çölә çıxaq, Yörgeni
rahat burax!
– Yörgen!
Xeqe çardağa tәrәf:
– Ona qulaq asma, özü üçün sәfehlәyir, – qışqırdı.
– Dayan, bax, düşür. – Mattis inadla tәrpәnmәk istәmirdi.
Yörgen, doğrudan da, artıq aşağı düşürdü.
Xeqe Mattisi buraxıb öz otağına tәrәf atıldı vә ardınca qapını
çırpdı.
Yörgen içәri keçib:
– Nә olub, Mattis? – soruşdu. – Bu da mәn.
Sәliqәli, әsl bazar günü qiyafәsindәydi – qәdd-qamәtli kişi,
mahir meşәqıran. Mattis onun sualına cavab vermәdi, bu
düşünülmәmiş hәrәkәtindәn özü dә tәәccüblәnmişdi.
Yörgen kifayәt qәdәr kәskin tәrzdә:
– Bu, nә sәfehlikdi belә? – soruşdu vә yaxın gәldi.
Bu mәsәlәni biryolluq vә hәmişәlik hәll etmәk lazım idi.

278