Page 276 - Tarey Vesos_Макет 1

Tarey Vesos
– Mәn özüm çatdıraram, – Mattis tәklif etdi. – Harda işlәdiyini
bilirәm.
Xeqe cavabında:
– Yox, sәn gәrәk öz işinin başında olasan, – dedi. – Durub-
durduğun yerdә işinin ipini әldәn buraxmalı deyilsәn.
Vә Mattis fikrindә olanı dedi:
– Sәn daha öz Yörgenindәn başqa, heç kimi görmürsәn. Ada -
mın lap ürәyi bulanır.
Xeqe donub-qaldı. Vaxt qazanmaq üçün:
– Nә olub sәnә? – soruşdu.
Mattis davam etdi:
– Bu, mәnim xoşuma gәlmir. Gәrәk sәnin fikrindә tәk o
adam olmasın.
Xeqe güldü:
– Bәs sәn özün, Mattis, kimi fikirlәşirsәn? – soruşub ona göz
vur du. – Mәgәr sәnin fikrindә hәmin o qızlar – İngerlә Anna
deyil?
Mattis: “amma bu, tamam başqa şeydi”, – demәk istәsә dә,
fikrini ayrı cür izah etdi:
– Onda bu Yörgenә ürәyin istәyәn qәdәr bax, – dedi vә
yüngüllәşdi. Mattis düşündü ki, bacısı gör bir nә qәdәr ağıllı vә
xeyirxahdı, demәli, İngerlә Anna barәdә hәr şey ona aydın imiş.
Xeqe Yörgenin yemәyini apardı, Mattis dә işinin başına
yollandı.
Sahildә ağlına yeni fikirlәr gәldi – daşın altındakı gözlәr
barәdә düşündü.
İstәyir çınqıl çınqılın, daş daşın üstә çıxsın, onsuz da, o
gözlәri gizlәdә bilmәyәcәkdi.
Zәnlә suyun sonsuz hamarlığına baxdı. Beynindә qaranlıq
bir fikir dolaşdı – Mattisi xilas et!
– Niyә, nә baş verib ki?
Sәksәndi.
– Yox, yox, – heç nә düşünmәdәn mızıldandı vә avarlardan
yapışdı.
Sonra düşündü ki, qanadlar qurğuşun kimidi, orada da –
gözlәrin, daş üstә olan daşları altında da…
276