Page 283 - Tarey Vesos_Макет 1

Quşlar
– Mәn? Acıqlıydım? Elә bir şey olmayıb – yöndәmsiz şәkildә
özünә bәraәt qazandırmaq istәdi.
Bacısı çәtin vәziyyәtdәydi. Mattis görürdü ki, onu divara
dayayıb. Nә qәdәr ki üstünlük onun tәrәfindәydi, davam etdi:
– Qayığımın yanına gedim. Mәnә düşünmәk lazımdı.
Xeqe:
– Yaxşı, – dedi.
Mattis dәrhal çıxıb getdi.
Sahil tәrәfdә ayaq saxlayıb nәsә fikirlәşdi, tәzәdәn evә
qalxmaq istәdi, amma sonra yenidәn aşağı düşdü.
Ürәyindә, valdşnep, mәnim әziz dostum, – dedi.

Qayığı suya salmadı, qatranın xoş qoxusunu canına çәkә-
çәkә onun yanında oturub qaldı. Amma qayığa ikrahla baxırdı:
Fikirlәşirdi ki, görәn, hansının günahı daha artıq idi – onun,
yoxsa qayığın? Yörgeni gölün bu üzünә ayrı-ayrılıqda tәkbaşına
nә o, nә dә bu qayıq gәtirib çıxara bilәrdi.

33

İndi axşamlar işdәn sonra dincәldiyi vaxtlarda Xeqe Yörgenin
yanına daha xәlvәti deyil, onun gözü qabağında gedib-gәlirdi.
Bu, hәmin o mәlum hadisәdәn sonra ilk dәyişiklik idi. Bacısının
necә şәn vә xoşbәxt olduğu Mattisin dә gözündәn yayınmırdı.
Başa düşürdü ki, onun da belә şәn vә xoşbәxt olmağa haqqı var,
amma özüylә bacarmırdı, canını qorxu almışdı.
Bir dәfә ürәklәnib soruşdu:
– İndi necә olacaq? Siz burada qalacaqsız?
Xeqe cavabında:
– Hәlә qәrara gәlmәmişik, – dedi. – Bir müddәt hәr şey
olduğu kimi qalacaq.
– Bәs qәrara gәlәndә necә?
– Yaşayıb görәrik. Ancaq sәn narahat olma.
Doğrudanmı onun nәlәr keçirdiyini bacısı anlamır? Әgәr
bacısı çıxıb getsә, daha yanında olmasa, o, necә yaşayacaq?
283