Page 37 - Sholom_Aleyhem_Макет 1

Alman

Yatağa girәndәn sonra әvvәlcә eşidirәm ki, alman yatıb, göz
dәymәsin, mışıl-mışıl yuxuya gedib, qәribә xorultusu var, fısıldayır,
parovoz kimi fit verib fışıldayır, yaralı öküz kimi hövlnak oyanır,
yerindәn dik atılır, nıqqıldayır, zarıldayır, fınxırır, qaşınır, tüpürür
vә deyinir, sonra digәr böyrü üstә uzanır, yenә xoruldayır,
fısıldayır, fit verib zarıya-zarıya dik atılır, fınxırır, qaşınır, tüpürür
vә deyinir... Bu, bir neçә dәfә tәkrar olunur, sonra çarpayıdan dik
atılır vә eşidirәm: hirslә yastıqları bir-bir döşәmәyә çırpır vә
qәribә, anlaşılmaz sözlәri tәkrar edir: “Zum Teufel! Sacramento!
Donnerwetter!” 1
Qapıya yaxınlaşıb açar dәliyindәn baxıram: alman lüt-üryan
dayanıb otağın ortasında, yastıqları bir-bir çırpır yerә, tüpürür vә
ana dilindә qarğış yağdırır. Aman Allah, sәn özün kömәk ol!
– Noolub, – qapını açıb soruşuram, – cәnab alman, niyә
yatmırsınız?
O, üstümә cumub mәni yumruqlayır, nәfәsimi kәsir... Әlimdәn
tutub pәncәrәnin önünә gәtirir, dişlәm-dişlәm olmuş bәdәnini
göstәrir, sonra mәni qovub qapını çırpır.
– Bu alman lap dәlidir ki! – arvadıma deyirәm, – lap nәrmә-
nazikdir! Elә bilir, onu dişlәyirlәr, dәli kimi özündәn çıxıb!..
– Evdә taxtabiti nә gәzir? – arvadım tәәccüblәnir. – Heç
ağlım kәsmir! Pasxadan әvvәl yataqları tәmizlәmişәm, çarpayını
ağ neftlә silmişәm, – yәni bu taxtabiti yenә peyda olub?..
Sәhәr elә bilirdim alman qaşqabağını tökәcәk, әşyalarını da
götürüb elә aradan çıxacaq ki, izi-tozu da qalmayacaq... Necә
deyәrlәr, sәn saydığını say! Yenә: “Quten Morgen!” Gülümsünür,
qәlyan tüstülәdir vә nahar barәdә göstәriş verir, hәlәlik isә çay vә
suda bişmiş yumurta istәyir – sizcә, neçә yumurta? Düz on dәnә!
Sәhәr yemәyindә yaxşıca içdi, mәni dә şnapsa qonaq elәdi, kefi
kök idi. Gecә gәldi, yenә başlandı! Әvvәl xoruldayır, fit verir,
fısıldayır vә xırıldayırdı, sonra zarıldayıb ufuldayır, qaşınır,

1 Zum Teufel! – lәnәtә gәlәsәn! (alm.)
Sacramento! – lәnәtә gәlәsәn! (ital.)
Donnerwetter! – lәnәt şeytana! (alm.)

37