Page 31 - Sholom_Aleyhem_Макет 1

Mərhəmət göstərmə!

Cavab vermir, rәngi ağarıb, geyinib evdәn çıxır. Düşünürәm:
“Әşi, hara gedәcәk? İndi qayıdar!” Bir saat gözlәyirәm, iki, üç,
dörd saat keçir, axşam düşür, gecә yarıdan keçir – arvaddan
xәbәr yoxdur! Әcәb işә düşmәdik? Nә başınızı ağrıdım, arvad
gedib onların yanına, artıq iki ildir evә gәlmir, deyәsәn, heç
qayıtmaq fikri dә yoxdur! Bu әhvalata bәnzәr nәsә eşitmişdiniz?
Әvvәl gözlәyirdim, düşünürdüm, bәlkә, mәktubdan-zaddan yazar.
Sәs-soraq çıxmadı. Mәcbur olub özüm yazdım: “Belә iş olar?
Camaat nә deyәr?” Cavab yazdı ki, uşaqlarının yanında özünü
xoşbәxt hiss edir. Bunun hikkәsinә bax! Nәvәsinә mәnim mәrhum
qardaşımın adını qoyublar – Gerşel! Yazır ki, dünyada bu çağadan
әziz adamı yoxdur! Dünyanı çıraqla gәzsәn, ikinci belә Gerşel
tapa bilmәzsәn! Bildirir ki, bundan sonra hәyatına tәkbaşına
davam et, var-dövlәtini dә al qucağına, otur, qocalığını yaşa!
Görürsünüz dә, mәnә nә arzulayır?..
Dönә-dönә yazıb qәti bildirirәm ki, bir qәpik dә gön -
dәrmәyәcәyәm! Cavabında bildirir ki, pula ehtiyacı yoxdur. Sәn
bir bunun dilinә bax! Tәnbәllik etmәyib yazıram ki, var-dövlәtimdәn
gözünü çәksin, pullarımı icmaya vәsiyyәt edәcәyәm! Utanmaz-
utanmaz bildirir ki, var-dövlәtimә heç bir iddiası yoxdur!
Görürsünüz dә, günümü? Yazır ki, Allahın kömәyi ilә balalarının
yanında şad-xürrәm yaşayır, Peysl universitetә girib, Reyzl dә
yaxınlarda ixtisaslı mamaça olacaq, ayda yetmiş rubla yaxın pul
qazanırlar. Bax belә! “Qaldı miras mәsәlәsinә, onu elә bu gün
kimә istәyirsәn, hәtta kilsәyә dә vәsiyyәt elәyә bilәrsәn!” Bunun
dilini görürsünüz dә? Sonda da yazır ki, guya mәn dәliyәm!
Guya әmәllәrimә görә adamlar mәni barmaqla göstәrir. Görün
nә yazır: “Qardaşın oğlunun mәnim bacım qızı ilә evlәnmәsindә
pis nә var? Ay sәrsәm, yuxuna haram qatan nәdir? Niyә qarınağrısına
düşmüsәn? Bircә körpәni görәydin... Babası Gerşelin şәklinә
baxıb şirin-şirin dillәnir: “Ba-ba!” Ay bәdbәxt, özü yıxılan
ağlamaz!..” Görürsünüz dә, oradan mәnә nә yazır? Amma mәsәlә
bunda da deyil.
Adamın ürәyi gәrәk daşdan olsun! Evә gәlib bayquş kimi
otururam dörd divar arasında. Elә bilirsiniz, canım sıxılmır?

31