Page 28 - Sholom_Aleyhem_Макет 1

Şolom Aleyxem

dәli olum! Amma digәr tәrәfdәn dә düşünürdüm ki, qәzәblәnmәyin
xeyri nәdir? Saçımı yolmaqla nәyә nail olacağam? Nәsә bir tәcili
tәdbir görmәk lazımdır, bәlkә, bu izdivacın qarşısını ala bildim.
Hәr şeydәn әvvәl verdim özümü “rәis”in yanına, bığının altından
keçdim. Әrizә yazdım ki, baldızımın qızı filankәs evimdә yaşayıb,
filan-filan işlәr görüb, mәni soyub, oğlumu (onu da övladlığa
götürmüşәm) yoldan çıxarıb vә onunla birlikdә namәlum istiqamәtә
qaçıb. Sonra açdım pul kisәsinin ağzını, alәmә xәbәr göndәrdim,
xüsusәn dә bizim mahalın bütün şәhәr vә kәndlәrinә... Allahın
mәnә yazığı gәldi, onları yaxaladılar. Harada? Yaxınlıqdakı kiçik
bir şәhәrcikdә. Tәbrik edirәm!
Onların yaxalanması xәbәri gәlәndә rәislә birlikdә hәmin
şәhәrciyә yollandıq. Sәfәrdәn danışmaq istәmirәm, amma canıma
qorxu düşmüşdü: bәlkә, macal tapıb nikaha giriblәr, onda necә
olsun? Bәlkә, iş işdәn keçib? İt dә gedib, ip dә!.. Bәxtim varmış,
nikah kәsdirmәyә macal tapmayıblar. Amma deyirlәr, dәrd
batmanla gәlir. Şikayәt әrizәsindә yazmışdım ki, mәni soyublar.
Tutdular bunun ucundan, mәhkәmә oldu vә onları hәbsxanaya
atdılar. Bu hәbsxana mәsәlәsi mәnә heç dә başucalığı gәtirmir,
hay-küy qaldırdım ki, mәni soyan baldızımın qızıdır, oğlumun
(necә olsa da, oğlum sayılır) bu işdәn xәbәri yoxdur. Peysli azad
etmәk istәyәndә dedi: “Әgәr oğurlamışıqsa, demәli, bu işi birlikdә
görmüşük!” Eşitdiniz dә? Bunu lәnәtә gәlmiş qız öyrәdib!
Bilirsiniz onun canında nәlәr var?.. Hә, indi deyin, mәrhәmәtli
olmağın yeri var? Yetimә әl tutmağa dәyәr? Sizdәn xәbәr alıram,
o, mәrhәmәtә layiqdirmi? Nә deyim, onları hәbsxanadan çıxarmaq
üçün çox әllәşdim. Çarәm nәdir? Oğlana görә qıza da bәraәt
verdirmәli idim. Nә isә, qayıtdıq evә. Amma mәsәlә bunda deyil.
Qızı evә buraxmadım, kәnddә onun qohumlarının birindәn
ev kirayәlәdim. Qohumunun adı Moyşe-Meyerdir, sadә kәnd
adamıdır. Peysli isә evә gәtirib, dilә tutmağa başladım:
– Mәnә rәhmin gәlsin, – dedim, – sәni oğulluğa götürdüm,
evlәnәndә minlәrlә rubl pul verәcәyәm, var-dövlәtimi sәnә miras
qoyacağam, sәn isә başıma belә oyun açırsan!

28