Page 229 - Sholom_Aleyhem_Макет 1

Üç sima

Әllinci gün bayramında sәma parçalanır. Doğrudur, heç vaxt
sәmanın parçalanmasını görmәyib, çünki onların küçәsindә sәma
yoxdur, amma dostları görüblәr. Hә, and içir ki, öz gözlәri ilә
görüblәr. Ancaq özlәri dә sәmanın parçalandığını görsәydilәr,
çox yaxşı olardı, onda görmәdiklәri şeyә and içmәzdilәr, axı bu,
günahdır! Heyif ki, bu küçәdә sәma yoxdur! Onların pәncәrәsindәn
sәma ancaq uzun, ensiz mavi zolaq şәklindә görünür, bu sәma
uzun nazik mavi lentә oxşayır. Bu kiçik parçada iki-üç ulduzdan
vә ayın bir hissәsindәn başqa, nә görmәk olar ki? Moiseyçiki vә
bacısı Dvoyrkanı sәmanın, hәqiqәtәn, parçalanmasına inandırmaq
üçün Abramçik anasının әtәyindәn dartır.
– Ana, doğrudur ki, bu gün, Әllinci gün gecәsindә sәma
parçalanacaq?
– İndi durub sәnin başını parçalayacağam!
Abramçik anasından belә cavab alır. Әlacsız qalıb atasını
gözlәmәlidir. Atası bir qucaq qutu ilә bazara gedib.
– Hә, tapın görәk, ata bizә nә hәdiyyә gәtirәcәk?
Abramçik belә deyir, iki çöhrә dә tapmaq istәyir ki, ata
bazardan onlara nә gәtirәcәk? Uşaqlar bazarda satılan şeylәri
sayıb barmaqlarını bükür, insan gözü nәyi görә bilirsә vә ürәyi
nә istәyirsә, onu tәsәvvür edirlәr: bublik, krendel, konfet...
Amma bu dәfә heç kәs tapa bilmәdi. Cildçi Peysya nә bublik,
nә krendel, nә dә konfet gәtirdi. O, göyәrti gәtirdi – uzun, yaşıl,
әtirli, qәribә göyәrti.
Üç gözәl çöhrә atanı dövrәyә alır.
– Ata, bu nәdir?
– Göyәrti.
– Göyәrti nәdir?
– Bayram göyәrtisi. Bayramda yәhudilәr göyәrti yemәlidir.
– Onu haradan alırlar, ata?
– Necә yәni haradan? Hm... bazardan alırlar, bazardan...
Ata belә deyir vә yaşıl, әtirli göyәrtini tәzә yuyulmuş döşәmәyә
sәpir, sevinir ki, otaqda yaşıl otlar var, әtri әtrafa yayılır. Hәmişәki
kimi şәn halda anaya deyir:
– Arvad, bayramın mübarәk!

229