Page 136 - Sholom_Aleyhem_Макет 1

Şolom Aleyxem

– Bileti kim alacaq?
On cüt әl biletә tәrәf uzanır.
– Yox, belә olmaz! – xәzinәdar deyir. – Bir bileti bu qәdәr
adama verә bilmәrәm. Aranızdan bir nәfәr sәlahiyyәtli nümayәndә
seçin...
Biz dә düşündük-daşındıq, üç vәkilin içindәn әn yaşlısını
seçdik. O, bileti ikiәlli götürdü, sanki körpәni qucağına alırdı,
әvvәlcә rahibә, sonra qardaşım Henexә, mәnә vә Birnbauma
göstәrdi, mәqsәdi dә bu idi ki, hamımız bir-bir baxaq: hәmin
biletdir, ya yox? Rahib dedi ki, bileti hәlә xәzinәdarın әlindә
olanda tanıyıb. Üzәrindә bir işarә var... Amma işarәnin nәdәn
ibarәt olduğunu söylәmәk istәmir... Qardaşım Henex and içdi ki,
әgәr onu gecә yuxudan oyadıb bileti göstәrsәlәr, dәrhal tanıyar!
Başa düşürsünüz, ya yox? Mәn vә Birnbaum isә bileti ilk baxışdan
tanımadıq, yalnız seriya vә nömrәsini diqqәtlә nәzәrdәn keçirdik –
axı әsas mәsәlә bundan ibarәtdir, düz demirәm? Pulu – yetmiş
beş mini almaq üçün hamımız Dövlәt Bankına yollandıq! Birlikdә,
piyada getdik, quş kimi uçurduq. Yaşlı vәkil biletdәn ikiәlli
yapışmışdı, onu elә aparırdı ki, hamımız görәk, Allah göstәrmәsin,
birdәn itәr, ya da kiminsә ağlından keçәr ki, bileti dәyişdirsin!..
İkinci belә bir bilet yoxdur axı!
Biz artıq on yox, iyirmi nәfәr idik. Maşallah, göz dәymәsin,
bu adamlar hardan peyda oldu? Mәn deyim: bizim qәsәbәdәn
olan tanış-bilişlәrdir, tәsadüfәn bu gün şәhәrә gәliblәr vә görüblәr
ki, biz biletә düşәn yetmiş beş min rubl uduşu almaq üçün
Dövlәt Bankına gedirik... Bizә qoşuldular, böyük uduşu – yetmiş
beş mini necә almağımıza tamaşa etmәk istәyirdilәr, axı belә
hadisә hәr gün olmur! Dәstәmizә baxan düşünәrdi ki, hansısa
varlı adamın dәfn mәrasimidir, tәkcә tabut çatışmır, Dövlәt
Bankının qapıda dayanan mühafizәçisi – yefreytor hәtta qorxdu
da. Zavallı aralarında rahibin dә olduğu böyük yәhudi dәstәsini
harda görmüşdü?
Amma bizi çox hörmәtlә qarşılayıb tәk-tәk bankın binasına
dәvәt etdi. Әlindә bilet tutmuş vәkil lazımi yerә yaxınlaşıb
mәsәlәnin mahiyyәtini anlatdı. Bundan sonra bizi dazbaş bir

136