Page 415 - Sela

Məsihlər klubu

Özünüz hesablayın, işgüzar adamın pencәyinin qoxusu
on ildә neçә dәfә dәyişә bilәr! İşgüzar adam da neçә dәfә
pencәyini dәyişә bilәr!

Quruya axşamdan çox keçmiş çıxdım. Doğrudu, “Ay
işığı” sahilә tәxminәn sәhәr saat doqquzda yan almışdı,
ancaq gәmini tәrk elәmәk istәyәndә, tamam ağ geyinmiş
gömrükdәn olan cәnab, yәqin, Birlәşmiş Ştatlar vәtәndaşıyla
eyni tonda danışmağa layiq olmadığımı fikirlәşib, nәzakәtsiz
şәkildә dedi ki, burada sahilә çıxmayacağam.

Əlbәttә, bacardığım qәdәr özümü müdafiә elәmәyә
çalışdım. Diqqәtinә çatdırdım ki, çinli deyilәm, zәnci
deyilәm vә s. vә i. Ancaq gömrük işçisi duruşunu dәyişdi,
siqarı ağzına soxub, yaxınlıqda dayanmış boksçuya oxşayan
polis nәfәrinә işarә elәdi.

Meyxanalarda pәzәvәnglәr kefli müştәrilәrin boynundan
necә yapışırlarsa, polis dә elәcә boynumdan yapışıb taxta
körpüyә tәrәf itәlәdi. Fikri aydın olduğuna, görkәmindәn
dә kobudluq yağdığına görә, ona baş qoşmamaq daha
yaxşı idi. Düşündüm ki, dinc durmaq mәslәhәtdi, özümü
xәcalәt çәkәn adam kimi göstәrib gәmiyә qayıtdım.
Gizlәnmәli oldum, çünki Allah şahiddi, gözünә dәysәm,
bu vәhşi belimi sındırardı.

“Ay işığı”nın göyәrtәsindә mәni pis qarşıladılar. Gediş
haqqını tam ödәyә bilmәdim, yük gәmilәrinin kapitanları
icazәsiz minәnlәrә necә zәhmlә baxırlarsa, mәni dә elә
süzürdülәr.

Çağırılmamış qonaqları suya ata bilmәmәlәri yük
gәmilәrinin kapitanlarını daha çox әsәbilәşdirir. Amerika
limanlarının hәmin çirkli qara sularında köpәkbalığı vә
yırtıcı balıqların mәşum hәrәkәtlәri elә yuxarıdan sezilir...

Ancaq ağ ciyәr olmayaq!
Gәmi kapitanına (Bakxusda daha әyyaş, әn azı, İuda
kimi satqın irlandiyalıya) tәntәnәli surәtdә and içdim ki,
gün batandan sonra sahilә çıxmağa yenidәn cәhd edәcәyәm,

415