Page 391 - Sela

Karabinerin cinayəti

tәmizliklәrinin üstündә әsәn qarılar tütün qoxusunu hiss
elәyәn kimi, xaç çәkmәyә başladılar, kişini görәndә isә
әtlәrini kәsirmişlәr kimi çığırışa-çığırışa qaçdılar.

Karabinerin onları sakitlәşdirmәk cәhdi boşa çıxdı, hәr
sözündәn sonra qarılar lap fәryad qoparırdılar.

– Donna Diqna, İsaya and olsun, mәnәm, Serafindi!
Donna Perfekta!

Amma qarılar daha da qorxub küçәyә qaçdılar, bununla
belә, ağıllarını başlarına yığana oxşamırdılar. Ona görә
Serafin әlini yellәyib, necә hәrәkәt edәcәyini özü qәrara
almaq üçün evә qayıtdı.

Donna Diqna vә donna Perfekta öz qonaqlarını inan-
dırmağa çalışırdılar ki, şeytanın özü qarşılarına çıxıb
(sәhәrisi gün artırmaya müqәddәs su çilәdilәr), Serafin isә
ona qulaq asmaq istәyәnlәrә qarıların әsl ifritә olduğunu
deyirdi.

Öz evindә Serafin qәrara aldı ki, heç vәchlә donna
Basilisanın mirasından imtina elәmәsin vә indi yeganә
olan oğlunu çağırıb bildirdi ki, qardaşının varisi olacaq.
Atanın qәrarı әvvәl-әvvәl oğulun ürәyincә olmadı, başladı
nәm-nüm elәmәyә, atasına qәribә mәslәhәtlәr vermәyә;
mәsәlәn, özü seminariyaya qәbul olunsun, yaxud da mirasın
bölünmәyi üçün keşişlәrlә razılığa gәlsin. İlk variantı Serafin
heç yaxına da buraxmadı, ikincini isә bir neçә gün götür-
qoy elәdi, ancaq hәyata keçirmәdi, yәqin, ona görә ki,
danışıqları üzәrinә götürәcәk don Xoakin artıq Tuyda
deyildi.

Oğlu bir neçә gün dә tәrslik elәdi, ancaq sonra zәif
xarakterli olduğundan, ya pulla artıq vidalaşmağa hazırlaşan
atasından heç nә ala bilmәyәcәyini görüb, özünü qurban
vermәyә razı olub, seminariyaya girdi. Artıq dediyimiz
kimi, o vaxt onun on yeddi yaşı var idi.

O, әyninә bir az dar olsa da, qardaşının әbasını geyindi,
atasının tapşırığıyla donna Perfekta vә donna Diqnanın

391