Page 324 - Sela

İLO XOSE SELA

Allah bizә kömәk olsun, uzun illәrdi dağlarımızda eyni
adәt hökm sürür, nәslin bütün ölülәri hökmün yerinә
yetirilmәsini tәlәb edir, kimlәrsә bir cür qanla, kimlәrsә
başqa cür qanla doğulur, bu da tәsadüfi deyil.

Kasandulfların Raymundosu Robin Lebosanla şahmat
oynayır, hәmişә dә udur.

– Fikrin dağınıqdı.
– Yox, hәmişә belәyәm, özün bilirsәn, şahmat oynamağı
bacarmıram.
Pepinyo Poysada Koyres – Pepinyo Xurelo elektrikdi,
daha doğrusu, “El Reposo” tabut emalatxanasında elektrik
kömәkçisidi, bizdә tabut düzәldәn çox emalatxana var;
körpә mәlәklәr üçün ağ-qara tabutlar düzәldәn emalatxana,
palıddan qәşәng tabutlar düzәldәnlәr dә var, ya da qırmızı
ağaca oxşadırlar, elәlәri yoxdu, qırmızı, yaşıl, sarı rәngdә
olurlar; Pepinyo Xurelonun hәmişә ağzı açıqdı, Pepinyo
Xurelonun körpә mәlәklәri әllәşdirmәkdәn xoşu gәlir,
Pepinyo Xurelo adәtә boyun әyib Konça da Kona ilә evlәndi,
iki başdanxarab qızı doğulub, tezliklә öldülәr, Konça da
Kona bezib evdәn qaçdı, Konça da Kona çox şәndi,
kastanyetlәrini şaqqıldadır, hәm dә mahnı oxuyur; Pepinyo
Xurelonu bir dәfә lal-kar Simonçino, ya Puço ilә tutdular,
vur-tut altı yaşı olardı, arıq, gicbәsәr uşaqdı, qorxduğu
üzündәn oxunurdu, Pepinyo Xurelo onun dalını şapalaqlayıb,
boğazından yapışaraq az qalmışdı boğsun, Pepinyonu
әvvәlcә dustaqxanaya, sonra dәlixanaya yolladılar.
– Dәlixanada hәbsxanadan çox döyürlәr, görünür, dәlilә-
ri döymәk xoşlarına gәlir.
– Çox mümkün ki, elәdi.
Özünü axtalamağa razı olduğuna görә, Pepinyo Xurelonu
dәlixanadan buraxdılar, doğrusu, müharibә başlayanda
yaxşılaşma olmamışdı, Pepinyo Xurelo hәr sәhәr messaya
getmәyә, dәrdlinin dәrdinә qalmağa, şәfqәt, xeyirxahlıq,
günahların bağışlanmasından vә digәr unudulmuş

324