Page 317 - Sela

İki ölü üçün mazurka

– Hә.
Robin gözünü yerә dikir.
– Allah günahımdan keçsin. Onun adı Fabian Mingela
Abraqan Karrupo, lәqәbi Mouçodu, alnı donuz dәrisindәndi,
adını dedim, bundan sonra heç kim bu adı çәkmәmәlidi.
Sükutu Evelin әmi – Xabarin pozur:
– Danış, Kamilo.
Bir kәlmә danışmadan ciddi görkәmdә don Kamilo da
gözlәrini endirir. Qәrar gözlәnilәn olsa da, hamı hәyәcanlıdı.
– Kimә tapşırırsan?
Don Kamilo yenә dinmәzcә Tanis Qamusoya (Perelyo)
baxır. O, ayağa qalxıb xaç çәkir.
– Haqq-taala, hәvari Santyaqo vә qohumumuz müqәddәs
Fernandes kömәyim olsun. Amin. Raket sәsi eşidәndә,
mәsәlә bitmiş olacaq.
Toplantı yavaş-yavaş dağılır, yolları uzaq olduğuna
görә, Brinidelodan gәlәn üç Marvis dәrhal yola düşür; don
Baltasar vә don Eduardo gecәlәmәk üçün avtomobillә
Lalinә, qohumları keşiş Freyxidogilә gedirlәr, göz-gözü
görmәyәn gecәdi, belә gecәdә polisin buraxılış soruşacağı
ehtimalı da azdı; don Kamilo Evelio Xabarinlә gedir, Kamilo
Kasandulfların Raymundosugildә qalır, gәlәn üç Qamuso
gecәni qardaşları Tanislә keçirirlәr; hәr şey qaydasındadı,
heç kim artıq-әskik danışmır, senyorita Ramonanın evindә
bir ayağı olmayan Monço Preqisas vә hәr iki ayağı olmayan
Markos Albite qalacaq, çolaqların dağa-daşa düşmәsi üçün
gecә hәddәn artıq qaranlıqdı; Katuxa Bainte büzüşüb
artırmada yatır vә senyorita Ramonanın evinә dinclik
sakin olur. Don Kamilo getmәmişdәn әvvәl tapşırdı ki,
keşiş Seferino Qamusoya, balıqçı Fureloya (müqәddәs Pyotr
da balıq tuturdu) çatdırsınlar:
– Qoy tanıdığım adamın ruhu üçün ibadәt elәsin. Qoy
kimin üçün olduğunu soruşmasın, bunu özü başa düşmәlidi,
qoy ölü kimi sussun.

317