Page 313 - Sela

İki ölü üçün mazurka

ilә axan Vinyaoya, İki Müqәddәs Ata qayasından başlayan
Asneyrosa, rahiblәrin isti bәdәninә sәrinlik gәtirәn Oseyraya,
Raposıdan Ranqadaya gedәn yolla şimala axan Komesoya
vә Aqrosantinyo qızlarının paltar yuduğu Buralyaya yağır;
qarağaclara vә şabalıdlara, söyüdlәrә vә gilәnarlara, kişilәrә
vә qadınlara, naz çiçәyinә, ayıdöşәyinә, bağamburca,
dirilәrin, ölülәrin vә ölkәnin üstünә yağır.

– Yeganә şeydi ki, heç kim dәyişә bilmәz.
– Allaha şükür.
Don Klaudio Monteneqro әminin dәfnindә hamımız
görüşdük, mülki qubernator gәlәndә gәrgin dәqiqәlәr oldu,
xoşbәxtlikdәn, hamı tezliklә sakitlәşdi, әmim Klaudio
Monteneqro heç kimә imkan vermәyib ki, onu axmaq
yerinә qoysunlar, miskin Venseslao Kaldraqanı canavar
tәlәsiylә tutub, yemәk, içmәk vermәyib üç gün mәlәtmişdi,
azad elәyәndә quzuya dönmüşdü.
– Azad elәyәndә götürüldü?
– Hә, senyor, axsasa da, dabanına tüpürdü.
Doqquz Qamusolardan böyüyünü – Afutonu vә
Adeqanın әri Sidran Seqadeni öldürәn gorbagor hәlә sağdı,
ancaq belә çox getmәz, müqәddәs Marta ilә müqәddәs
Luis arasında üç il tamam olacaq ki, on, ya on iki adam
öldürmüş olsun, bәlkә dә, çox, artıq ondan meyit qoxusu
gәlir, adamlar onu görәndә kәnar dururlar.
– Mәhkumun qoxusunu duyursan?
Kor Qaudensio bir sәhәr messadan qayıdanda küçәdә
huşunu itirib yıxılmışdı, deyәrdin, canını tapşırıb.
– Parroçanın evindәki akkordeonçalandı, yәqin, ac ol-
maqdandı.
Kor Qaudensioya polis şöbәsindә qәhvә verәn kimi
ayıldı.
– Əzilmәyibsiniz?
– Yox, senyor, huşumu itirәcәyimi hiss elәyәndә oturdum.

313