Page 301 - Sela

İki ölü üçün mazurka

Senyorita Ramona vә Kasandulfların Raymundosu
kәndә gün batanda çatdılar.

– Sәnin yanında qalacağam, Monça, yorulmuşam, şam
elәmәmiş yatacağam.

– Özün bilәrsәn.
Hәyat ölümlә yanaşı yaşayır, Allahın hökmü belәdi,
kimlәrsә bunu әtalәt adlandırır, bir başqaları isә hәyatın,
ölümün necә gәlib, necә getdiyinin fәrqindә deyillәr.
– Rәngin qaçıb, Nunçinya, heç xoşuma gәlmir.
– Hә, üç-dörd gündü pis yatıram, bilmirәm, nә olub,
bәlkә dә, aybaşım pozulub.
Qaudensio akkordeonu hәvәssiz çalır, yad adamların
sәsi ürәyi coşdurmur. Parroçanın fahişәxanasındakı Marta
Portuqaliyalı tәmkinli, mehriban qadındı, öz işini yaxşı
bilir.
– Bildiyim işi görürәm, hәvәslә çalışıram, mәnә aldıqları
lәzzәtә görә pul verirlәr, özüm pul istәmirәm.
Qaudensio Ştrausun çox romantik, zәrif, çox qәşәng
“Vyana meşәsinin nağılları” valsını çalır; intendantlığın
çavuşu Klemente Palomaresin qadınlara әziyyәt vermәk,
onları döymәk xoşuna gәlir, doğrusu, bu, hamımızın xoşuna
gәlir, ancaq gәrәk elәsini tapasan ki, icazә verә, hәm dә
yaxşı pulun ola. Marta Portuqaliyalı ona deyir:
– Mәnә aldıqları lәzzәtә görә pul verirlәr, pul verirsәnsә,
hәr şey olar, başa düşdün? Ancaq haramısa qanatsan, sәni
doğan ananı lәnәtlәyәcәyәm, ağlatsan, and içirәm ki,
öldürәrәm!
– Sәnә yaqut, mirvari bağışlayacağam, Marta, qan kimi
qırmızı yaqut, göz yaşı kimi mirvari.
– Nә olar.
Pura Parroça sarımsaq iylәnir, xoşladığına görә yemir,
lazım olduğuna görә yeyir; Pura Parroçanın tәzyiqi yüksәkdi,
onu aşağı salmaq üçün sәhәrlәr sarımsaq yağı yeyir, sarımsaq
taundan, vampirdәn, elәcә dә bağırsaq qurdundan qorunmaq

301