Page 265 - Sela

İki ölü üçün mazurka

adasındakı öküz kimi güclüdü, vurma cәdvәlini vә
Avropanın paytaxtlarının adını bilәn kraliça Lupanın
kәrtәnkәlәsi kimi dәrrakәlidi; Tanis Perelyo ziyarәtә getsәydi,
Betlehem darvazasının ağzında müqәddәs öküzü alnından
bir zәrbәyә gicәllәndirәrdi, әlinә keçsә, qatırı da hәmçinin;
Tanis Perelyo qurdbasan köpәklәr saxlayır, canavar ağır
yaraladığına görә, Kayzeri öldürmәli oldu. 12-ci piyada
alayının әsgәri Tanis Perelyo әsgәrliyә çağırış idarәsinә
göndәrilib.

Sağsağana fitlә “Marselyoza” çalmağı öyrәdәn
respublikaçı Leonsio Koutelonu, qohumluğa vә sayğısızlığa
görә, kor Eulalionu da cәzalandırıblar, o, Leonsionun
qardaşı idi; Etelvino Tanis Perelyo ilә birlikdә әsgәrliyә
çağırış idarәsindә xidmәt elәyir, o, podpolkovnik Soto
Rodrigesin kömәkçisidir.

– İndi başlıcası tufanın ötüb-keçmәsini gözlәmәkdi,
sonra Allah bilәr.

Tanisanın itlәrinә heyvanları әhlilәşdirәn Baqaneyralı
Polikarpo baxır, orduya tamamilә yararsızdı, heyvanlarla
necә rәftar elәmәyi bilir. O hәm dә müharibәnin Etelvinodan
ayrı saldığı ayğır Karuzonu gәzdirmәyә çıxarır.

Hәrbi xidmәtdәn tamamilә azad olunan cavanların
siyahısı: Ramon Rekeyxo Kasbolado (Monço Preqisas), sağ
ayağı kәsilib; Xose Pousada Koyre (Pepino Xurelo), ağır
beyin pozğunluğu; Qaudensio Beyra, kor; Roke Borren
Pontelyas, anadangәlmә kәmağıllıq; Mamerto Payxon
Verdusedo, uçan maşınların ixtiraçısı, onurğası zәdәlәndiyinә
görә iflic olub; Markos Albite, hәr iki ayağı kәsilib; Benito
Qamuso (Lakrau), lal-kar; Salyutio Qamuso, anadangәlmә
kәmağıllıq, – bunlar yadımda qalanlardı, ola bilsin, yenә
var; kuzenim Robin Lebosan Kastro de Sela qeyri-sıravi
qulluğa yararlıdı, ancaq onu çağırmayıblar.

– Onun üçün yaxşıdı, doğru deyirәm?

265