Page 259 - Sela

İki ölü üçün mazurka

– Mәndәn aman istә.
– Əllәrimi aç.
– Yox.
Afutonu öldürәn gorbagor Fabian Mingela orasını
qurdalayır, bәzәn onu zorla tapır.
– Sәnә deyirәm, aman dilә.
– Əllәrimi aç.
– Yox.
Afutonun qardaşı, Tanis Qamusonun qayınatası Eutelo,
ya Sirolos ara qarışandan kirimişlәyib, adam var atışır,
adam da var olanlarla barışır; Adeqanın әri Sidran Seqadeni,
yәqin, hәlә üstәlik, yarım düjün adamı da öldürәn gorbagor
Fabian Mingela çәkmәsini batırmaq istәmir, iki addım geri
çәkilib Baldomero Afutonun kürәyinә atәş açır, yerә yıxılanda
başından vurur. Baldomero Marvis Ventela, o hәm dә
Afuto Qamusodu, dartınıb inildәmәdәn ölür, dәrhal ölmür,
ancaq lәyaqәtlә, imdad dilәmәdәn, düşmәnini sevindirmәdәn
ölür. Fabian Mingela Sidran Seqadeyә dedi:
– Növbәdә sәnsәn, hәlә yarım saatın var.
Baldomero Afuto Kanisesә dönәn yerdә qaldı, onu
sәhәrin vәfasız işığında ilk-әvvәl palıd ağacındakı qaratoyuq
gördü; quşlar gün başlayanda dayanmadan cikkildәyirlәr,
bir neçә dәqiqәdәn sonra sakitlәşirlәr, aydındı ki, öz işlәriylә
mәşğul olurlar, Baldomero Afutonun meyidi yerdә qalıb,
kürәyi vә başı qandı, ağzı da qandı, torpaq da qandı, qan
bәdәnindәki döymәni örtüb, qadınları vә ilanları soxulcanlar
tez yemәyә başlayırlar, ölülәrin qanını soran dәlә kimsә
qorxudubmuş kimi birdәn qaçır. Xәbәrlәr kәrtәnkәlә kimi
şütüyür.
– Külәkdәki toz kimi?
– Bәlkә, ondan da sürәtlә.
Xәbәr axşam Parroçanın evinә çatanda, kor Qaudensio
akkordeonda “Körpә Marianna” mazurkasını çalırdı.
Qaudensio ağzını da açmadı, eyni şeyi sәhәrә qәdәr çaldı.

259