Page 257 - Sela

İki ölü üçün mazurka

Fabian Mingela Adeqanın әri Sidran Seqadenin evinә
girmәdi, Afuto Qamusonun da evinә girmәdi, ürәk elәmәdi,
hәr iki halda yaxınlıqda gizlәnib onların evә gәlmәsini
gözlәdi. Fabian Mingela (Mouço) on adam göndәrdi ki,
Sidranla Afutonu tutub әlibağlı gәtirsinlәr. Sidran Seqade
onları atәşlә qarşıladı, evi yandıranda tәslim oldu, atәş
sәslәrinә, evdәn qalxan alov dilimlәrinә heç kim qaçıb
gәlmәdi, senyorita Ramona onun yanında olan
Kasandulflardan Raymundonu vә Robin Lebosanı getmәyә
qoymadı, Adeqanın sifәtinә tüfәngin qundağıyla vurub,
huşsuz halda ağaca bağladılar, Baldomero Afuto da atışdı,
sәrrast atәşlә birini öldürdü, arvadı Lolinanı vә altı uşağını
tutanda tәslim oldu; dişlәmәsinlәr deyә uşaqların ağzını
tutmuşdular.

– İlahi, belә dә insan olar!
Afutonu öldürәn gorbagor Fabian Mingela onu öldürmәk
istәyәndә öz әsirlәrinin üzünә evdovşanı kimi gülümsәyirdi,
hәr ikisinin әli arxadan bağlanmışdı, hәr ikisinin gözünә
qan sağılmışdı vә hәr ikisi susurdu.
– Gedәk!
Fabian Mingelanın alnının donuz dәrisi parıldayır.
Başqa mәkanın vә başqa mәnzәrәlәrin mәxluqu olan
senyorita Ramonanın tutuquşusu burada kәdәrli vә qayğılı
görünür. Fabian Mingelanın seyrәk saçları var, Afutonu
öldürәn kabus ay işığında ölüyә oxşayır.
– Belә olacağını heç vaxt düşünmürdün?
Nә Sidran Seqade, nә Baldomero Afuto ağzını açmır.
Fabian Mingelanın alnı tısbağanın qını kimidi, bәlkә, ondan
da pisdi, ara qarışandan araba oxunun cırıltısı eşidilmir.
– Mәnim ixtiyarımda olduğunu başa düşürsәn? Mәnim
zamanım gәlib!
Afutonun alnında yanan ulduz sönür, hәrdәn rubin
kimi qırmızı, başqa vaxt sapfir kimi göy, ya ametist kimi

257