Page 11 - Sela

Paskual Duartenin ailəsi

etmәdәn deyәsәn: “Görürsәn, nә elәyir? Bax, onun kimi
olma”.

Amma gәlin, sözü Paskual Duarteyә verәk – onun bizә
deyilәsi çox sözü var.

ƏLYAZMAYA ƏLAVƏ EDİLMİŞ MƏKTUB

Senyor don Xoakin Barrero Lopesә.
Möhtәrәm senyor, mәni bağışlayın ki, onsuz da uzun
olan bu mәktubla birlikdә sizә öz uzun hekayәtimi dә
göndәrirәm. Çünki don Xesus Qonsales de la Rivanın
(Allah günahından keçsin, onun da mәni bağışlayacağına
şübhә elәmirәm) dostlarından ünvanını xatırladığım yeganә
adam siz olduğunuzdan, canımı qurtarmaq üçün yazını
sizә yollamaq qәrarına gәldim. Yoxsa onu yazdığımı
düşünmәyim kifayәt idi ki, mәni tәr bassın. Allahın hökmüylә
indi daha çox nәsibim olan çәtin anlarımda әlyazmanı ata
bilәrdim, bununla da, çoxlarını anlamalı olduqları bәzi
şeylәrdәn mәhrum edәrdim.
Mәsәlәnin nә yerdә olduğundan sizi bir qәdәr agah
elәyim. Bәdbәxtlikdәn, sirr deyil ki, mәni daha çox pis
adam kimi xatırlayacaqlar, ona görә hamının qarşısında
tövbә etmәklә vicdanımı mümkün qәdәr tәmizlәmәk
istәyirәm. Bu tövbә xeyli çәtin olduğundan, hәyatımdan
yadımda qalanları danışmaq qәrarına gәldim. Yaddaşım
heç vaxt elә dә möhkәm olmayıb, çox şeyi, hәtta maraqlı
mәtlәblәri unutmuşam, buna baxmayaraq, ağlımdan
çıxmayanları vә әlim çatanları yazmağı qәt elәdim; elә
şeylәr dә var idi ki, onları yazmağa çalışdım, di gәl, ürәyim
sıxıldı, o haqda susmağa vә onları hәmişәlik unutmağa
qәrar verdim. Bu qeydlәri aparmağa başlayanda hәyatımda
heç cür yaza bilmәyәcәyim bir hadisә olduğunu yaxşı

11