Page 109 - Sela

Paskual Duartenin ailəsi

mәktuba әlavә olunmuş kağız bağlamasını oxuyandan
sonraya saxlayaram.

(Ayın 10-da davam elәyirәm)

Duartenin etiraflarını indicә birnәfәsә oxudum (ancaq
Herodota inansaq, bu cür oxu vәrdişi ziyanlıdır). Tәsәvvür
elәyә bilmәzsiniz ki, o mәndә necә dәrin tәәssürat oyatdı,
qәlbimdә necә silinmәz iz buraxdı. Sizin itaәtkar bәndәnizin
qiymәtli mәhsulu yığan әkinçi sevinciylә bu adamın son
tövbәsini qәbul etmәsi dә tәәssüratın gücünü azaltmır.
Yәqin, çoxları bu adamı goreşәn sayacaq (onun kamerasına
çağırılanda mәn dә elә düşünürdüm), ancaq ürәyinin
dәrinliklәrinә nüfuz edәndә, hәyatın onu qorxutduğu,
hürkütdüyü bir quzu olduğunu bilirsәn.

Hazırlıq mәrhәlәsinә gәlincә, onun ölümü xristianlara
örnәk ola bilәrdi, ancaq son anda soyuqqanlığını saxlamağı
bacarmayıb tәlaşlandı. Bu da zavallıya әzab verdi, bir az
mәtanәtli olsaydı hәmin әzabdan qurtulardı. Edama qәdәr
özünü әzmlә, sakit aparması mәni heyran elәdi vә hәyәtә
çıxarılanda bәrkdәn: “Tanrı istәdiyi kimi olsun”, – deyib
öz ibrәtamiz itaәtkarlığıyla hamını heyrәtlәndirdi. Əfsus
ki, şeytan onun son anını oğurladı, әgәr elә olmasaydı,
ölümüylә, heç şübhәsiz, müqәddәslәrdәn sayıla bilәrdi.
Hәmin ölüm onu görәnlәr üçün ibrәt oldu (çünki, bayaq
dediyim kimi, bu adam öz soyuqqanlığını itirdi), mәn isә
gördüklәrimdәn insanları rәhmlә sağaltmaq üçün nәticә
çıxardım. Ümid elәyirәm ki, rәbbim öz müqәddәs dәrgahında
ona rahatlıq bәxş edәcәk!

Senyor, mәnim hüsn-rәğbәtimi vә sәmimi salamlarımı
qәbul etmәyinizi rica edirәm.

keşiş S.Laurenye

109