Page 68 - Design_Gurcu_Antologiyasi_Layout 1

Görcö nÿsri antologiyası

– Çәpәrin içinә salırıq, amma lәnәtә gәlmişlәr yenә dә yol
tapırlar... Kiş! Kiş!
– Quyruqlarını yolmaq, qanadlarının ucunu kәsmәk
lazımdı, әziz Nanuli, – cәhәnnәm ol! Bir xoruza bax! Gör
toyuğu necә qovur, yaramaz! Gör necә dә gözәldi!
– Onlara baş qoşmağa vaxt var? – Qadın әlini yellәdi.
– Bu hәftә vaxtım olmayacaq. Gәlәn hәftә onları hinә
salıb, qanadlarını yolaram.
– Kömәk elәyin, möhtәrәm Nutsa, bizi bu yırtıcılardan
qurtarın! – Nanuli yalvardı, dәrhal da nәzakәtlә xәbәr aldı: –
Bәs siz necә, bütün günü mәktәbdә yorulmursunuz?
– Әlbәttә yoruluram, – Nutsa köksünü ötürdü, – bir
görün, nә qәdәr dәftәr var! Hamısını oxuyub, yoxlamaq
lazımdı! Budur, Tsiklauri yazır ki, iki dәfә iki dörd dә elәyir,
beş dә! Apsiauri dördüncü sinifdә oxuyur, zırrama hәlә yeddi
dәfә beşin neçә elәdiyini bilmir! Amma soruşsan, deyәcәk ki,
kosmonavt olmaq istәyirәm!
“Yeddi dәfә beş… neçә elәyir?” – Beynimdәn keçirdim.
Qızardım. Bu nә rüsvayçılıqdı! Dayan, dayan! Üç dәfә beş –
on beş... on beşlә on beş – otuz... yeddinci beşlik qaldı... Otuz,
üstәgәl yeddinci beşlik – otuz beş... Yeddi beşlik alınır...
Yaxud beş yeddilik? Dәli olmaq olar! Yox ey, yeddilik yox!
Otuzla beş – otuz beş elәyәr!.. Alnımın soyuq tәrini silib
hәyәtә çıxdım.
– Fikir elәmәyin, möhtәrәm Nutsa, lazım gәlәndә sizin
Apsiauri hәr şeyi hamıdan yaxşı hesablayacaq.
– Oy, Nodar Vladimiroviç! Salam! Necәsiniz? Tfu, tfu,
68 göz dәymәsin, әvvәlkindәn yaxşı görünürsünüz! Gizlәtmәyin
yeri yoxdu, bizi çox qorxutmuşdunuz...
– Tәşәkkür elәyirәm, möhtәrәm Nutsa, indi özümü pis hiss
elәmirәm...
– Allah sizә ömür versin... Hә, gedim; bazar günü, әziz
Nanuli, sizin toyuqlarla mәşğul olaram.
– Sağ olun, sağ olun, möhtәrәm Nutsa. Salamat qalın!
Qonaq durub hәyәtdәn çıxdı, doqqazı arxasınca örtdü.