Page 71 - Design_Gurcu_Antologiyasi_Layout 1

Nodar Dumbadze

– “Qoy mәhәbbәt mәni Tamerlanın qılıncı kimi çapıb
parçalasın”, – misranı söylәdim.
Tamerlansa yanını basa-basa, qızıl taclı başını dik tutub,
Günәşin şәfәqlәri altında göyqurşağının bütün rәnglәrinә çalan
libasında uzun, fәvvarә kimi bәrq vuran quyruğunu dik tutub,
xoşbәxt vә vüqarlı görkәmlә hәrәmxanasına, gözәl vә sevimli
arvadlarının yanına qayıdırdı.

***
Tamerlan o gecәni hәrәmxanada keçirdi. O, gözәl arvad -
larını doyunca әzizlәdi, hәr birinә nәvaziş göstәrdi, onların
tәşәkkür әlamәti kimi, sahiblәrinin qüdrәti vә böyüklüyü
haqqında üzü göyә söylәdiklәri nәğmәlәrini dinlәdi.
Xoşbәxt gecәydi! Amma Tamerlan yenicә şirin yuxuya
getmәk istәyirdi ki, çadırın zülmәtini iri, gözәgörünmәz
bәbәyin bәyaz şüaları yardı. Şüa çadırın divarlarını axtarıb
dillәndi: “Buradadılar!” – Sonra söndü.
Tamerlanın ürәyi düşdü. “Gözümә görünüb”, – fikirlәşdi.
Amma xoşagәlmәz öncәduyum qәlbini bürüdü, gözlәrini
yuma bilmәdi. Bәyaz şüa yenidәn parıldadı, çadırın divarlarını
bir dә dolaşıb yox oldu. Sonra şüa hardasa hәyәtdә göründü,
Tamerlan kiminsә sәsini eşitdi:
– Buradadılar, şüvüllәrin üstündә yatırlar. Sәn әlindә fәnәr
qapıda dur, buraxma, mәn hamısını bir-bir tutacağam.
– Yaxşı, amma tez qurtar, yatmaq istәyirәm, – başqa sәs
cavab verdi.
Sonra da elә bir hadisә baş verdi ki, onu nә tәsvir elәmәk,
nә söylәmәk mümkündü. Çadıra soxulan kimsә iri әliylә 71
Tamerlanı qamarladı, qoltuğunun altında sıxıb qeyzlә
dәbdәbәli libasını soyundurmağa, quyruğunu – Tamerlanın
xüsusi qürur duyduğu, bütün dünyanın hәsәd apardığı o gözәl
quyruğunu yolmağa başladı.
Tamerlanın ürәyi dayandı, nәfәsi tutuldu. Sonra pipiyi
göyәrdi, gözlәri qanla doldu. dözülmәz ağrı olmasaydı, baş
verәnlәri sәfeh yuxu kimi qәbul elәyәrdi. Amma tәәssüf ki,
yuxu deyildi! Üstәlik, hәmin iri, güclü әl bir dәqiqәdәn sonra