Page 63 - Design_Gurcu_Antologiyasi_Layout 1

Revaz Ènaniøvili

– Ayıb deyilmi? Bu barәdә nә söhbәt ola bilәr? Әrizәni dә
özüm yazaram.
– Hә... hә... – Levan artıq telefona qulaq asırdı.
Dülgәr gumrahlaşmış addımlarla otaqdan yenicә çıxmışdı
ki, baş mühasib içәri daxil oldu. Bir dәstә kağızı stolun üstünә
qoydu, әylәşib Levana baxmağa başladı.
Telefon söhbәti qurtaranda mühasib:
– Bir bunlara baxın, bilmirәm ağlınız bir şey kәsәcәk, ya
yox, – әlini kağızların üzәrinә qoydu.
Levan kağızın birini götürdü. Qara rәngli telefon sәslәndi.
Levan dәstәyi qaldırdı.
– Eşidirәm, batono... şübhәsiz... – Levan ayağa qalxdı. –
Bu dәqiqә, batono.
Dәstәyi tәlәsik yerinә qoydu. Qalstukunu düzәltdi.
– Gәl görәk... – onu qapıya sarı dәvәt etdi, – heç yana
getmә, bu gün bu işә әncam çәkmәliyik. Bu gün...
Mühasib pәrt halda çıxıb getdi. Levan artırmaya keçdi.
Plaşını geydi, papağını әlinә aldı.
Artırmadan çıxanda dülgәrlә otağın ortasında rastlaşdı.
Kişi әlindә kağız tutmuşdu. Levan kağızı alıb stolun üstünә
qoydu, qәlәmә әl uzatdı. Kağıza köhnә hәrflәrlә yazılmışdı:
“Hәyat yoldaşım Sixarula (Sixarula – gürcü dilindә “sevinc”
demәkdir) vәfat etmişdir. Xahiş edirәm, mәrhumu Kaspi rayo -
nuna aparmaq üçün maşın verәsiniz”.
– “Sixarula” sözünü yazmaq nәyә lazım idi, qatso?
“Sixarula” sözünü silmәk istәdi. Ancaq nәdәnsә buna әli
gәlmәdi.
Әrizәnin sol bucağına “Yol. Mosidzeyә. İmkan daxilindә 63
kömәk edin” yazdı, qol çәkdi. Yenidәn әrizәni gözdәn keçirdi.
– Sixarula hәqiqi adıdır?
– Bәli, hәqiqi...
– Yaxşı addır.
– Fağır özü dә yaxşı qadın idi. Sağlığında bir dәfә dә
üzümә ağ olmamışdı.
– Yeri nurla dolsun. Mәrhumu haradan aparacaqsınız?
– Aramyanskidәn.