Page 44 - Design_Gurcu_Antologiyasi_Layout 1

Görcö nÿsri antologiyası

mağın mәnasız olduğunu qәt edib, irәliyә sıçramağa hazırlaşdı.
Vaşağın gәrilmiş bәdәni havada işıldadı... Yay kimi gәrilmiş
adam xәncәrlә onu vurmaq istәdi. Xәncәr vaşağın qabırğasına
toxunub, dәrisinә sancıldı. Yırtıcının caynaqları boşa çıxdı, o,
xәncәr zәrbәsindәn sarsılıb, kәnara sıçradı. Erkәyin xırıltısını
eşidәn dişi yırtıcı dәrhal kişinin belinә sıçrayıb, caynaqlarını
onun çiyninә sancdı, iri dişlәriylә boynundan yapışdı.
Kişi bәrkdәn bağıra-bağıra, xәncәrlә yırtıcının budunu bir
neçә yerdәn yaraladı. Vaşaq çәnәsini boşaldıb bir anlığa
qurbanından әl çәkdi. Sәs-küydәn hürkmüş quşlar pırıltıyla
havaya qalxdı. Kişinin hayqırtısı qayalarda әks-sәda verdi.
Kişinin boynundan qan axırdı, o, әlindә xәncәr, gözlәrini ağaca
söykәdiyi tüfәngә zillәmişdi. Erkәk vaşaq tüfәnglә onun
arasında dayanmışdı. Bir az aralıda dişi yırtıcı yaralı baldırını
yalayır, tez-tez başını qaldırıb nifrәtlә kişini süzürdü. Kişi
fikirlәşdi ki, yalnız xәncәrlә yırtıcıların öhdәsindәn gәlә
bilmәyәcәk, mütlәq tüfәngi götürmәlidir. Di gәl, tüfәngә vә
әzәlәlәri tarıma çәkilmiş erkәk yırtıcıya tәrәf addım atar-
atmaz, dişi vaşaq yenidәn hәrәkәtlәndi.
O, xәncәrini oynadıb, birtәhәr tәhlükәni özündәn uzaq -
laşdırdı. Yırtıcı kişinin ehtiyat etdiyini görüb ürәklәndi,
yenidәn hücuma keçdi, lakin yenә faydası olmadı – bu dәfә dә
xәncәrә tuş gәldi. Hәmin an mәğlub olmuş yırtıcıdan
tükürpәrdәn nәrilti qopdu; sinәsindәn yara almış yırtıcı erkәk
vaşağın yanında yerә sәrildi.
Yırtıcıyla vuruşarkәn, xәncәr kişinin әlindәn çıxdı,
cingiltiylә bir neçә metr uzaqlıqdakı seyrәk ot basmış çay
44 daşlarının üstünә düşdü. O, xәncәrin erkәk yırtıcının yaxın -
lığında yerә düşdüyünü görәndә, ürәyinә qorxu çökdü.
Nәdәnsә әllәrini bir-birinә sürtdü, sonra ehtiyatla silaha tәrәf
addım atdı, lakin erkәk yırtıcı araya girdi vә tәrk-silah olmuş
rәqibini әlbәyaxa döyüşә mәcbur elәdi. Kişi bu dәfә dә cәld
tәrpәndi, vaşağın boğazından yapışıb elә sıxdı ki, yırtıcının dili
bayıra çıxdı. Yırtıcı pәncәlәrini işә salmaq istәdi, amma az
keçmiş bәdәni boşaldı, gözlәri çevrildi. Elә bu an xeyli qan