Page 43 - Design_Gurcu_Antologiyasi_Layout 1

Cabua Amirecibi

Qorxu hissini öldürmәk üçün başını qaldırıb çayın dibinә
baxdı. Yüngül meh әsir, havanı sәrinlәdirdi. Yaxınlıqda zığ-
zığ quşları cәh-cәh vurmağa başladı. O, yenidәn gölmәçәyә
sarı әyildi, ancaq bu dәfә su içmәk üçün yox... Suyun şәffaf
sәthindә nәhәng ağac vә budaqların arasında sәssizcә
dayanmış yırtıcı әks olunmuşdu.
Bir xulbalığı tәnbәlcәsinә, ağır-ağır ağac tәrәfdәn üzüb,
yırtıcının әks olunduğu yerә gәldi. Kişinin gözlәri qorxudan
bәrәlmişdi. İndi bu gözlәr sanki öz hәrәkәtsizliyindәn
yorulmuşdu. O, ağacın budaqları arasında gizlәnmiş yırtıcının
әksinә diqqәtlә baxırdı. Heç nә fikirlәşә bilmirdi, sanki iflic
olmuşdu, rәngi avazımış, sifәtini tәr basmışdı.
Xulbalığı bir müddәt kişinin qarşısında hәrәkәtsiz qaldı.
Sonra asta-asta üzgәclәrini tәrpәdib, oradan aralandı.
Birdәn-birә sanki yuxudan ayıldı, özünә gәldi, qollarında
qeyri-adi bir güc hiss etdi. Sifәtindә qәtiyyәtli bir ifadә
yarandı; xәncәr günәş işığında bәrq vurdu.
O, sonrakı hәrәkәti barәdә düşünür, qaraltıdan gözünü
çәkmirdi.
Cavan budaqlar külәkdә yırğalanırdı. Elә bu an div qolları
kimi yoğun budağın üstündә vaşaq göründü. Vaşaq dayanıb
gözlәrini ona zillәmişdi, hiss olunurdu ki, irәli atılıb insanı
tikә-tikә etmәyә hazırlaşır. Vaşaq bir pәncәsini irәli atıb, yerini
bәrkitdi. Hәlә ki bu, onun etdiyi yeganә hәrәkәt idi.
Azca aralıdakı ağacın budaqları arasında gizlәnmiş dişi
yırtıcı da erkәk vaşağı yamsıladı, hücuma keçmәzdәn әvvәl
bütün bәdәni gәrildi.
Buludlar günәşin qabağını kәsdi; sәrin meh yarpaqları 43
titrәdirdi. Dişi vaşaq erkәyin sıçrayışını, erkәk isә sadәcә
özünün bildiyi mәqamı gözlәyirdi. Әlindә xәncәr dayanmış
adam isә vәziyyәti götür-qoy edir, onların hәmlәsini gözlә -
yirdi.
Quşların sәsi meşәni başına götürmüşdü. Erkәk yırtıcı
başını qaldırıb hay-küy salan quşlara baxdı, yәqin ona elә
gәlirdi ki, quşlar onun sirrini faş etmәk istәyir, artıq yuban -