Page 45 - Design_Gurcu_Antologiyasi_Layout 1

Cabua Amirecibi

itirmiş, әldәn düşmüş dişi yırtıcı birtәhәr gücünü toplayıb,
yoldaşının dadına çatdı – qәfildәn kişinin belinә atılıb, boy-
nundan yapışmaq istәdi. Ancaq artıq bayaqkı gücü yox idi,
buna baxmayaraq, taqәtdәn düşmüş çәnәlәri ilә kişinin başını
vә peysәrini dişlәmәyә başladı. Az sonra erkәk yırtıcı da özünә
gәldi. Artıq vәhşi pişiklәr üstünlüyü әlә almışdılar; cәmi bir
neçә saniyә әrzindә kişi ölümcül tәhlükәylә üz-üzә qalmışdı.
Sifәti qana bulaşmışdı, vәhşi pişiklәr sәbirsizliklә kişinin yerә
çökmәyini gözlәyirdilәr, o isә yerindәcә dimdik dayanmışdı.
Daha düşünmürdü – sadәcә yerindә dayanmışdı, vәhşilәrin hәr
tәrәfdәn onu didmәsinә tamaşa edirdi. Amma dumanlı şәkildә
dә olsa, başa düşürdü ki, hәr keçәn an gücünü, taqәtini daha
çox itirir. Birdәn-birә sanki qollarına әlavә güc gәldi, erkәk
yırtıcını havaya qaldırıb, qәzәblә çay daşlarına çırpdı. Sonra
dişi yırtıcının boynundan yapışıb, özündәn uzağa tulladı vә
qeyri-insani sәslә hayqırmağa başladı:
– Yooox!
İki addım atıb, aşağı әyildi, xәncәrin dәstәyindәn bәrk-
bәrk yapışdı, belini düzәltmәk istәdi, lakin qәfildәn gücdәn
düşmәyә başladı, başı fırlandı, dizlәri boşaldı, bir dizinin
üstünә çökdü. Meh kürәyindәki yaraları göynәdir, yırtılmış
köynәyinin cırıqlarını havada yellәdirdi. Quşların sәsi yenidәn
eşidilmәyә başladı.
Kişinin başı hәrlәnir, bәdәni sızıldayırdı. Erkәk yırtıcı
ağacın yanında göründü, o bir daha irәliyә atılmaq üçün fürsәt
axtarırdı, lakin onun da ağrıları vardı, gözlәrindәn yaş gәlirdi,
bir az aralıda isә dişi yırtıcı yaralarını yalayır, arabir dә kişiyә
baxır, boğazını arıtlayır, möhkәm mırıldayırdı. 45
Kişi qoluyla sifәtinin qanını sildi – caynaq yerlәrinin
ağrısından gözlәri yaşardı. Ağrıların kәsmәsini gözlәdi,
dәrindәn nәfәs alıb döyüş meydanını gözdәn keçirdi vә mәyus-
mәyus dillәndi:
– Kaş kimsә mәni görәydi!.. Bu qәdәr zәhmәt boşa
getmәlidir?!. Bu qәdәr... şey... – o, әllәriylә başını tutdu.
Qan üzüaşağı axıb, buxağında laxtalanırdı. Gözlәrinin
altında da qan laxtaları gözә dәyirdi... Hiss edirdi ki, nәyin