Page 42 - Design_Gurcu_Antologiyasi_Layout 1

Görcö nÿsri antologiyası

Yükünü qoyduğu yerә gәldi, paltarını bәrk-bәrk sıxdı.
Geyindi, kәmәrini bağladı, yükünü belinә alıb qarlı dağa tәrәf
addımlamağa başladı. Suya düşdüyü yerә çatanda bir anlığa
ayaq saxladı. Suya baxdı, gülüb yoluna davam elәdi. Qarşısına
başqa bir qaya çıxdı, dibi çox qorxunc görünürdü, qayalara
çırpılan suyun sәsi adamı vahimәyә salırdı. Qayanın yanından
ötüb, çayırlığa çıxdı.
Çay daşanda, ola bilsin, buraları su basır, amma indi çay
daşlarının yanındakı ağacların dibindә, kölgәlikdә palçıq
görünürdü. Çaydan otuz metr aralıda meşә başlayırdı.
O, dәrindәn nәfәs aldı, günәşdәn qaralmış çöhrәsindә
tәbәssüm peyda oldu. Yaxınlıqda nәhәng şam ağacı vardı, qol-
budağı yarıyacan suya batmış, gövdәsini isә mamır basmışdı.
Tüfәngini ağaca dayadı, bel çantasını yerә qoyub çәkici
çıxardı. Lәzzәtlә gәrnәşib çiyinlәrini ovuşdurdu. Arıq cüssәli
idi, çiyinlәri azca sallanırdı. Saçına dәn düşmüşdü, alnını vә
sifәtini qırış basmışdı, bununla belә, gözlәri iti, hәrәkәtlәri
çevik idi.
– Bu hәmin yerdir, – öz-özünә dedi, – burada çoxdan
olmuşam. Axşam onlar da gәlәcәklәr... tәәccüblüdür, özüm-
özümlә danışmağa başlamışam! – O gülmәyә başladı: – Az
qala bir hәftәdir insan üzü görmürәm, axı kiminlәsә
danışmalıyam, ya yox?
Çantasını yerә qoydu, yataq torbasını çıxarıb açdı, üzәrinә
uzandı. Sonra ağ torbanı götürdü. Çantasında nәlәr yox idi…
Әlini çantanın içindә gәzdirib, konservaçanı tapdı. Yemәyә
başladı. Doydu, süfrәni yığışdırıb çayın qırağına getdi. Suyun
42 dibinә baxdı. Qayaların sıxışdırdığı çay maneәlәri sürәtlә aşıb-
keçir, әtrafa uğultulu sәs yayırdı.
“Çayı keçә bilәcәyәmmi? – O düşündü, – çox sürәtlә axır,
üzmәk mümkün deyil! Qoy bir az dincәlim, sonra bәxtimi
sınayaram!”
O, çayın kәnarında dincini almaq üçün münasib yer seçdi.
Yaxınlıqda kiçik körfәz әmәlә gәlmişdi, üzüqoylu uzanıb duru
sudan acgözlüklә içmәyә başladı. Su içә-içә çayı necә keçmәk
barәdә düşünürdü.