Page 378 - Design_Gurcu_Antologiyasi_Layout 1

Görcö nÿsri antologiyası

alsaq, xoşbәxt olarıq. Düzdür, arabir cürbәcür qiymәtli şeylәr
alır, üstündә xoşbәxtlik olacağını güman elәyirik.
Bu mәqamda Sofo oyuncaq dükanına girir. Dükanın
qabağındakı ağaca söykәnib müşahidәmi davam etdirirәm.
Mәni görsә, gülümsünüb özümü elә göstәrәrәm ki, guya
tәsadüfәn buradayam. Qız tüklü oyuncaqlara – әvvәlcә
dovşanlara, sonra ayılara baxır. Satıcıya nәsә deyir, gülüşürlәr.
Sofo ayını almaq qәrarına gәlir, onu üstündә göyqurşağı olan
torbaya qoyurlar. Sofo oyuncağın pulunu verib çıxışa doğru
gәlir. Yaxınlıqdakı kolluğun arxasında gizlәnmәyә macal
tapıram. O, küçәylә yuxarı, yәqin ki, metroya gedir. Bir qәdәr
gözlәyib gizlәndiyim yerdәn çıxır, arxasınca gedirәm.
Görünür, qızı ad gününә dәvәt elәyiblәr.
Sofo bir anlığa әtriyyat dükanının qabağında dayanır,
vitrinә baxıb, sonra yoluna davam elәyir.

18
O, metronun yanında taksiyә әylәşir, mәn dә digәr maşına
minib, sürücüdәn onların arxasınca sürmәyi xahiş elәyirәm.
– Hә dә, lap kinodakı kimi!.. – sürücü gülüb maşını
yerindәn tәrpәdir.

19
Saburtalo qәbiristanlığı qaranlıqdı. Sofonun әylәşdiyi taksi
dayanır. Biz dә dayanırıq. Sürücü işığı söndürür. Sofo gediş
haqqını ödәyir. Maşından düşüb qapını astaca örtürәm. Boş
taksilәr çıxıb gedir.
Qaranlıqda qızın siluetini zorla seçirәm, amma ağaran
378 göyqurşaqlı torba yolu göstәrir. Çalışıram sәs salmayım. Nә
bilim, bәlkә, birdәn mәni gördü.
Qız axır ki dayanır, torbadan oyuncaq ayını çıxarır, qәbrin
üstünә qoyub ağı deyir:
– Oğlum... körpәm... indi sәnsiz necә yaşayım?! Bax, sәnә
ayı almışam... gözәldi... Sonra da dovşan alacam... hә... küçük
dә alaram... körpәm...
Ürәyim sıxılır. Bәdbәxt qıza yaxınlaşıb qucaqlamaq,