Page 382 - Design_Gurcu_Antologiyasi_Layout 1

Görcö nÿsri antologiyası

Xalçanın üstündә çarpazlanmış qıçlar tәrpәndi.
– Görmüsәn?
– Zarafat elәyirsәn? – barmaqlarımla sol qaşımın altındakı
çapığı yoxlayıb, divanda yerimi rahatladım vә suala sualla
cavab verdim.
... – Çox yaxşı filmdir! – Zuriko siqaretdәn bir qullab alıb
oğrun-oğrun Mariyә baxır.
Mari dәmir pillәkәndә oturub bizә baxa-baxa siqaret çәkir,
alov rәnginә boyanmış saçları çiyinlәrinә dağılıb.
Mari sinfimizdә yenidi, bizә iki hәftә әvvәl keçib, dәrhal
da dostlaşmışıq. Oğlanlarla siqaret çәkәn, söyüş söyәn yeganә
qızdı. Hәm dә dәrslәrdәn birgә qaçırıq.
İndi hәndәsә dәrsidi. Mәktәbin arxa hәyәtindә, kәrtәnkәlә
kimi daş divara dırmaşan, mәktәbdә yanğın vaxtı istifadә
elәmәk üçün nәzәrdә tutulmuş köhnә, paslı, dәmir pillәkәndә
oturmuşuq. Bura gizlәnmәk üçün әn yaxşı yerdi: әvvәla, ona
görә ki, binanın yan tәrәfindәdir, pәncәrәlәrin heç birindәn
görünmür; ikincisi isә, әgәr müәllimlәrdәn kimsә yoxlamaq
üçün bayıra çıxsa, onu uzaqdan görmәk olur vә aradan
çıxmağa vaxt qalır. Ya hündür divara dırmaşıb küçәyә atılmalı,
ya da yenә mәktәbә qayıtmalı olursan. Әgәr müәllimә soldan
yaxınlaşırsa, binaya sağdan girәcәksәn, qaranlıq vestibüldәn
keçib bufetin yanına çatacaqsan, oradan yuxarı, bәdәn
tәrbiyәsi kabinetinә aparan pillәkәn var. Müәllimә sağdan
gәlәndә isә mәktәbin bütün sol tәrәfi – Şota Rustavelinin sarı
rәngli büstü , ibtidai siniflәrin dәrs keçdiyi birinci mәrtәbә
sәnin sәrәncamında qalır, hәm dә tәdris hissә müdiri, yaxud
382 gözәtçiylә üz-üzә gәlmәk ehtimalı böyükdür. Gözәtçi problem
deyil, amma tәdris hissә müdiri...
O, ağsaçlı, diribaş, tutduğunu buraxmayan höcәt bir qadın
idi. Hәmin gün paralel sinifdәn olan oğlanların dәrsdәn
qaçdıqlarını görmüş, arxalarınca düz iki yüz metr yüyürmüşdü.
Uşaqların ikisini yaxalasa da, biri qaçıb aradan çıxmışdı.
Amma indi burada Zuriko ilә Mari hәmişәki kimi söhbәt
elәyir, heç biri dә qaçmağa hazırlaşmır.