Page 385 - Design_Gurcu_Antologiyasi_Layout 1

Lado Kilasonia

Koxreidze paralel sinifdә oxuyur. Uzundrazın biridi,
mәktәbdә әn ağır qovluq onundu, ayaqqabıları uzunburun
gәmiyә oxşayır, baxışları mәnasızdı, eynәyinin şüşәlәri elә
qalındı ki, onunla dünya xәritәsinә baxsan, adamların sәnә
necә әl elәdiklәrini görәrsәn. Uşaqlıqda meningit xәstәliyinә
tutulub, ona görә hәmişә başında papaq olur. Anası bütün
müәllimlәrә vә oğlunun sinif yoldaşlarına bir-bir xәbәrdarlıq
elәyib ki, oğlu meningit keçirib, qәtiyyәn boynunun ardından
basmaq olmaz.
Daim ulduz müharibәlәri barәdә danışan vә Skayukerә
sәmimi-qәlbdәn hәsәd aparan – çünki Skayukerin atası Dart
Veyderdi, öz atası isә uşaq hәkimi Saşa Koxreidze – bir adamla
nә problem yarana bilәr axı?
– O, dalıma tәpik vurdu, – Zuriko deyir.
Gülüşümü saxlaya bilmirәm. Gela Koxreidze Zuriko
Maçabelinin dalına tәpik vurub!
– Necә oldu? – Datuna soruşur.
Mәsәlәsә belәymiş. Zuriko bәdәn tәrbiyәsi dәrsinә girir.
Oğlanlar basketbol oynayır, qızlarsa uzun taxta oturacaqda
әylәşiblәrmiş. O, sәkkizinci “A” sinfinin әn gözәl qızı olan
Ninukenin yanında oturub onunla söhbәtә girişir. Eyni za-
manda da, top yaxına düşәndә götürüb dirәyin yanından
atırmış. Oyun pozulur, amma oğlanlar ona bir söz deyә
bilmirlәr. Dәrs başa çatır, Zuriko isә hәlә dә Ninukoyla söhbәt
edirmiş. Bu vaxt oynayanlardan biri çiyni ilә Zurikonu itәlәyir.
Zuriko dәrhal köynәyindәn Koxreidzeni tanıyır,
fikirlәşmәdәn ona tәpik atır, sonra dönüb Ninukoyla söhbәtә
davam elәyir. Qәfildәn onu hәtta yerindә dik atılmağa mәcbur 385
elәyәn bәrk tәpik zәrbәsi hiss elәyir. Tәәccübdәn vә ağrıdan
çaşır.
– Bәs sonra? – Datuna pәncәrәnin çәrçivәsinә söykәnib
soruşur.
– Sonra dәrs yarımçıq qalır, Ninuko isә onun gözlәrinin
içinә baxır. Zuriko Koxreidzenin üstünә cumur, amma bәdәn
tәrbiyәsi müәllimi qarşısını kәsir.