Page 389 - Design_Gurcu_Antologiyasi_Layout 1

Lado Kilasonia

– Gәl Sonnini oyadaq! – Datuna başıyla Zurikoya işarә
elәyir.
Zuriko hәlә dә üzüqoylu hәrәkәtsiz halda uzanıb. Sol qolu
altında qalıb, sağ qolu isә yana açılıb.
– Ey, Sonni, qalx! – Datuna onun sifәtini şappıldadır.
Zuriko cavab vermir. Ovcumda su gәtirib üzünә çırpıram.
Havaya atılmış balıq kimi bütün bәdәniylә dartınıb arxası
üstә çevrilir.
– Hanı o? – Zuriko donquldanır, bizi gic gülmәk tutur.
Yad hәyәtdә belәcә oturub gülürük. Çapılmış qaşımdan
qan axır, Datunanın gözlәri kürә kimi şişib, burnu әzilmiş
Sonni isә dirsәklәri üstdә ağır-ağır dikәlir. Binaların üzәrindәki
boz sәmada Günәş ağarır, darvazanın o tәrәfindәki ensiz
küçәdә isә Gela Koxreidze iri yumruqlarına baxa-baxa yeyin
addımlarla uzaqlaşır.

389