Page 392 - Design_Gurcu_Antologiyasi_Layout 1

Görcö nÿsri antologiyası

ikonanı ehtiramla divardan asırlar, amma çoxlu sayda mıxların
vurulduğu divarda onları asmağa boş yer yox idi.
Masanın üstündә “Allah at oğrularının, mal-qara oğrula -
rının, quldurların...” cümlәsi ilә başlanan, arası açıq qalmış
kitab vә soyadlar siyahısı dururdu.
Adamlar Piladan ikonaların kömәyi ilә hәqiqәti aşkara
çıxarmağı xahiş edirdilәr. Özünü xoşbәxt hesab edәnlәr dә,
bәdbәxt sayanlar da onun әllәrini Pilatın әllәri kimi yuyurdu-
lar. Elә buna görә dә qocanı qısaca Pila adlandırırdılar.
Yanına dul qadınlar, ailәsiz adamlar, ölü yiyәlәri, dost-
tanışlar, qohumlar, tanımadığı şәxslәr, hörmәtli qonaqlar
gәlirdi. “Pila, sәn Allah, birtәhәr dә olsa, mәnә kömәk elә...”
“Pila belә... Pila elә...”
Mәrasim çox qәribә keçirdi. Pila dәmir boşqablar vә tәrәzi
götürürdü. Sonra çәkiclә dәmirә vurub deyirdi: “Bütün
müqәddәslәrin vә onlara inananların lәnәti peyda olsun. İlorili
Giorgi şikayәtçilәr vә müqәssirlәr arasında hәqiqәti aşkar
etsin. Hәqiqәt Allahın nurlandırdığı cәnnәt kimi işıqlansın.
Kasıbın malını çırpışdıran imansız öz qanına bulaşsın.
İmtiyazlı, seçkin adamar onu ağır xәstәliyә tutulmuş, ümidini
itirmiş, itaәtlә mәzar evinә girmәyә hazırlanmış görsünlәr.
Hәqiqәtә qurban getsin! Oğruya heç mәzar da qismәt olmasın.
Cәhәnnәm oduna – ona mütlәq tәrbiyәni verә bilmәyәn doğma
atasının yanına düşsün! Günahkar günahını boynuna alsın,
Allahın mәrhәmәtini qazansın, evinin hәyәtindә Pilanın әliylә
qurban kәssin!”
Dini mәrasimә tamaşa elәmәk üçün xeyli adam toplaşırdı.
Mәrasim bazar günlәri keçirilirdi. Buxarı yerindә çәngәldәn
yarıya qәdәr su ilә dolmuş hisli qazan asılırdı. Burada böyük
392 zәnbillәr, zınqırovlar, dәmir xaçlar, kәndir, bıçaq vә masanı
әvәzlәyәn daş parçalarını görmәk olardı. Üstündә әt çapmaq
üçün mәrmәr kötükdәn istifadә edirdilәr; bu, hara gәldi atılmış
qanlı bıçaqlardan da bilinirdi. Qәdim әntiq saatın çıqqıltısı
Pilanı hövsәlәdәn çıxarıb hirslәndirdiyi üçün onu qәsdәn
dayandırmışdı. Kabusların tәqib elәdiyi bu adama bir yandan
da qarabasmalar rahatlıq vermirdi. Çox tәәssüflәnirdi ki, indi
icra elәdiyi işi bir neçә il bundan sonra yerinә yetirә bilmә -
yәcәk.