Page 393 - Design_Gurcu_Antologiyasi_Layout 1

Èrakli Øamatava

Hәr dәfә mәrasim başa çatandan sonra Pila mıx götürüb
divara vururdu. Sonra bıçağın ucuyla çәrtdiyi çeçәlә barma -
ğının qanını ikonaya sürtürdü. Daha sonra qana bulaşmış alәti
salfetә bükür, axırda da şam yandırırdı. Mumu buxur әvәzi
işlәdirdi. Әllәrini tәmiz silirdi. Yorğun olsa da, gecә yarıdan
keçәn kimi xoş ovqatla yatırdı. “Hәr kәndin eyni hәyat tәrzi
var, vәrdişlәri isә fәrqlidir.”
Sәhәr tezdәn durur, mal-qaranı sağıb otlağa buraxırdı.
Süddәn kәsmik vә pendir hazırlayırdı. Ocağı yandırırdı. Hisә
vermәk üçün asdığı mal әti, bibәr vә suluquni pendirinin
altının odununu artırırdı. Axşamdan qalan yemәyi toyuq-
cücәyә verirdi. Uzun müddәt idi ki, o qәnaәt edilmiş dәqiqәlәri
mәqsәdәuyğun şәkildә xәrclәyirdi. Әvvәlcәdәn bilirdi ki,
sabah hansı işlәri görәcәk, iyirmi dörd saatı necә keçirәcәk.
Lakin Pila üçün iyirmi dörd saat yalnız gündüz idi.
Bu, onun hәyat tәrzi idi, özünü dә başqa cür tәsәvvür edә
bilmirdi. Doğrudan da: “Vәrdiş etdiyin mühitdәn qocalıqda da
yan keçә bilmәzsәn.” İşә getdiyi yerdә oğluna rast gәldi. O
günә lәnәt olsun.
Pila qara libas әvәzinә qәhvәyi rәngә çalan gödәkcә
geyinmişdi. Oğlu qәzәblә atasını mәzara qarşı hörmәtsizlikdә
qınadı. “Özündәn razı olan bir rahibin ölülәr, yaxud dirilәr
nәyinә lazımdır? Atasından xәbәrsiz bir az daş-qaş, pul
götürәn yeganә varisә lәnәt yağdırdı. Hәmin cavahirat yiyәsiz
qalsa, necә olacaq? Bu günah deyilmi?”
Әldәn düşmüş Pila bambukdan hörülmüş kәtilә çökdü.
İçindә fısıldayan bir vücudun sәsini eşitdi. “Pila, Pila, sәnin
mәnliyin hanı?”
Qocanın eşitdiyi sәsdәn canını qurtarmaq cәhdinin acığına,
bayaqkı sәs indi dә köntöy lәhcәylә әks-sәda verә-verә rahibi 393
yamsılayıb cinlәndirdi: “Sәnin işini kim davam etdirәcәk?
Mәgәr yaramaz varislәr babalarının miraslarından imtina
edәcәklәr? Hәqiqәt haradadır? Öz kökündәn nә qәdәr
uzaqlaşdığını hiss edirsәnmi? Adını Pilat qoymuşdular, sәn isә
dönüb Pila oldun.”
– Ha, ha, ha... Qocaman Pilaya nә oldu?! Başqasının ürәk
ağrısından özünün keçmişdә çәkdiyin bәlalar daha üstündür.