Page 365 - Design_Gurcu_Antologiyasi_Layout 1

David Kartveliøvili

SӘNӘT NAMİNӘ İZLӘMӘK

1
yirmi beş il әvvәl bu binada uşaq bağçası yerlәşirdi. Hәr
İgün (şәnbә vә bazar günlәrindәn başqa) sәhәr saat doq -
quzda bura gәlirdik. Mәn qalırdım, anam işә gedirdi. O, axşam
saat altıya yaxın gәlir, birgә evә gedirdik. Hәr dәfә dә evә
tәlәsirdim. “Qaçma görәk, – anam deyirdi, – yorul mu şam”.
Onda beş yaşım vardı, tәbii ki, “şәnbә vә bazar günl әrindәn
başqa, hәr gün”, yaxud “doqquzdan altıyacan işlәmәk”
sözlәrinin mәnasını o qәdәr dә başa düşmürdüm. İndi, iyirmi
il sonra burada uşaq bağçası әvәzinә “Jafaridze & Co” firması
yerlәşir. Mәn firmanın sıravi әmәkdaşlarından biriyәm, “şәnbә
vә bazar günlәrindәn başqa, hәr gün”, yaxud “doqquzdan
altıyacan işlәmәk” sözlәrinin mәnasını da gözәl bilirәm.
Daha evә dә tәlәsmirәm, yorulmuşam...
Bununla belә, iş günü yenicә başlayır, mәn binaya girirәm.
Birinci mәrtәbәdә mühafizәçilәr dayanır, bir dә inzibatçı Ye-
lena oturur. Hamıyla salamlaşıb yuxarı qalxıram. İkinci
mәrtәbә bizim (yәni sıravi әmәkdaşların) ixtiyarımızdadı;
üçüncü mәrtәbә – oradakı bütün allahlarla birgә – Olimpdi;
orada cәmi iki dәfә olmuşam – söhbәt vaxtı, bir dә mәnimlә
müqavilә bağlananda.
Bizim mәrtәbәdә kompüter problemi var – iki nәfәrә bir
kom püter düşür. Olimpçilәr problemi yaxın gәlәcәkdә çöz mә -
yi vәd elәyirlәr, biz dә yaxın gәlәcәyin yetişmәsini gözlәyirik.
Bu intizar da elә bizim әsl mövcudluğumuzun stabilliyini 365
tәmin edir – heç bir çıxış vә tәtil elәmәk olmaz, yalnız öz
aramızda arabir vә müәyyәn hәddә pıçıldaşa bilәrik, vәssalam.
Otaqda iki nәfәrik – mәn vә Sofo. Birgә işlәtmәk üçün
nәzәrdә tutulmuş kompüter arxasında indi o әylәşir, arabir
başını qaldırıb mәndәn cürbәcür şeylәr soruşa-soruşa nәsә
yığır. Mәsәlәn soruşur:
– Sandro, necә bilirsәn, şokoladın reklamı üçün burada
hansı söz yerinә düşәr: incә, yoxsa zәrif?