Page 317 - Design_Gurcu_Antologiyasi_Layout 1

Keti Orconikidze

– Yәqin, burada gizlәnib, – İrma bәrkdәn dedi vә qutuya
cumdu. Yanılmamışdı. Mәktubu әlinә götürdü, ürәyi әsә-әsә
zirzәmiyә enәn pillәkәnә sarı getdi. Ona mәxsus әziz mәxluq –
böyük lüğәt kitabı oradakı rәfә pәrçimlәnmişdi. Ancaq
mәktuba baxanda 3000 rәqәmini gördü vә işin nә yerdә oldu -
ğunu elә bil başa düşdü. Buna baxmayaraq, bir tәrәfdә oturdu
vә hәr bir sözü bir-bir olduğu kimi tәrcümә etdi.
– Tutuquşunu tapana üç min dollar vәd etdilәr... Bunlar isә
onu tutmamış vә pulu qatlayıb ciblәrinә qoymaq istәyirlәr... –
İrma düşündü. – Özü dә quş bu sәhәr uçub... – Saata baxdı,
hәlә saat on bir idi, gedib telefonun yanını kәsdirdi.
– Tutuquşunu tapana, sәn demә, üç min verirlәrmiş, – dos-
tuna dedi.
– Nә olsun, sәn get onu axtar tap, üç mini dә qatla...
– Hә... Amma başa düşsәlәr?
– Haradan başa düşәcәklәr? Tapsan, bu gün apar ver, pu-
lunu al. Sabah onlar gәlәndә de ki, işlәmәk istәmirәm, işim
çıxdı, ya da nә tәhәrsә bir şey uydur, de. Dayan, onlara heç nә
izah elәmә, son hәftәnin dә maaşını al, üç minin üstünә qoy
vә bay-bay, get başqalarının yanında işlә.
– Belә yaxşı adamları başqa yerdә necә tapım?
– Hә, sәn bir qulaq as: hәr yer elә bir cürdü...
İrma hәyәtә baxdı vә fikrә getdi. Sәn bir tәsәvvür elә,
tutuquşunu necә tutur, qonşuya aparır, onu sevinclә qarşılayan
adamlar necә tәlәsik üç min dolların çekini yazır... Bu qәdәr
almaq üçün azından üç ay işlәmәlidir. Hәm dә birdәfәlik alınan
pul hara, hissә-hissә alınan pul hara?.. Özü dә bu boyda pul
ona indi necә lazımdır. Gah qohumları, gah da dostları zәng 317
edir ki, pul lazımdır, göndәr. Yәqin, elә guman edirlәr ki,
Amerikada pul ağacları bitir. Ya da iş üçün ağız açırlar: “Mәni
Amerikaya apar”... Gәrәk bunun biletinә pul yığasan, Nyu
Yorkda ev kirәlәyәsәn... Bu qәdәr xәrci necә boynuna
çәkәsәn?! Hәr şeyi gәrәk altı aya üzәrinә götürәsәn. Özü dә
ola bilsin, heç o vaxta qәdәr çatdırmağa gücün dә çatmadı. Üç
mini birdәfәlik versәlәr, problem birdәfәlik hәll olunar. Mixaili