Page 313 - Design_Gurcu_Antologiyasi_Layout 1

Keti Orconikidze

TUTUQUŞU

üzdü, Meri ilә Cey-cey sәfәrә çıxmağa hazırdı, ancaq
DMeri adәtinә xilaf çıxmayıb poçta baxdı.
– Dәhşәtdi, dәhşәt! – döşәmәyә sәpәlәnәn saysız reklam
bukletlәrinә vә mәktuba baxan qadın dedi. Vә özündәn asılı
olmayaraq qәribә görünüşlü mәktubun yanında dayandı.
Mәktubun üstündә rәngli tutuquşu şәkli vardı, o biri tәrәfindә
isә iri hәrflәrlә yazılmışdı: “Әziz qonşular, çox xahiş edirәm,
bu yazını diqqәtlә oxuyasınız”.
– Bu nә sәfehlikdi?! – Meri dillәndi, hәm dә marağını boğa
bilmәyib yazını qaldırıb oxudu: “Bu sәhәr mәnim danışa bilәn
Kokam tәsadüfәn uçub getdi. Ailәmә baş verәn bu faciәni
ürәkdәn duymanızı vә tutuquşumu tapmaqda mәnә kömәk
etmәnizi xahiş edirәm. Mәlumat üçün bildirirәm: o çox uzağa
gedә bilmәz, ola bilәr indi haradasa ağacların yarpaqlarının
arasına qonub. Biz Kokonu gözlәyirik. Onu tapanı isә üç min
dollarlıq çek gözlәyir. Әvvәlcәdәn tәşәkkür edirәm. Sizin
qonşunuz. Yaşıl döngә küçәsi, ev 7”.
– Bu ki düz bizimlә üzbәüz olan evdi! – Meri sәslәndi vә
yazının üç min dollar mükafat olan yerindәn gözünü çәkә
bilmәdi.
– Cey-cey, bura gәl, gör sәnә nә göstәrirәm, – o, әrini
çağırdı.
– Gәlirәm, әzizim, gәlirәm! – geniş dәhlizlә addımlayan
Cey-cey dedi vә әlindә mәktub tutmuş arvadının әmri ilә onun
başının üstünü aldırdı. 313
– Bu nә azardı? – kişi soruşdu, әyilib yazıya baxdı vә
baxışı bir yerdә ilişib-qaldı.
– Üç min, üç min, buna kim dayanar? – Meri әsәbi halda
dedi vә әrinin әlindәn yazını qoparıb aldı. Bәlkә, elә onların
ağacına qonub? Bәlkә, elә әlini uzatmaq bәs elәyir? Bәlkә,
Las-Veqasdan dönәn kimi quşu tapdılar vә pulu da aldılar?
Bu vaxt otağa әlindә süpürgә tutan qız girdi. Elә bil otağın
o başından uçub bura gәlmişdi.