Page 310 - Design_Gurcu_Antologiyasi_Layout 1

Görcö nÿsri antologiyası

Gözlәri elә parıldayırdı, elә bil dünyanın әn xoşbәxt adamı
idi. Gülümsәyir, soyuqdan ağarmış ayaqlarını yerә vururdu.
– Bilirsәn, sәnin nәyin xoşuma gәlir? – qәfil dillәndi.
– Nәyim? – maraqla soruşdum.
– Arsızlığın, bir dә çox böyük, xeyirxah qәlbin.
– Necә yәni arsızlığım? – üzünә tәәccüblә baxdım.
– Quru adamlardan zәhlәm gedir, – o, mәnә sarıldı.
Az sonra yolumuza davam etdik.
Sonra Quram Doçanaşvilidәn söhbәt düşdü. Li etiraf etdi
ki, gürcü yazıçılarını sәthi tanıyır, amma Doçanaşvili onu
heyran edib.
– Nә yaxşı ki, o kitabı mәnә bağışladın.
Revaz İnanişvilinin kitabını da bağışlayacağımı vәd
elәdim. Li tәsәvvürünә gәtirә bilmirdi ki, gürcü yazıçılarından
kimsә Doçanaşvili kimi yazsın. Dedim, İnanişvilinin üslubu
tamamilә başqadır, amma o da Quramtәk “göynәdicidir”. Li
yeni cә oxuduğu Doçanaşviliyә әmәlli-başlı vurulmuşdu,
“Vater-po-loo”-nu, “İş”-i, Kejeradzelәr haqqında yazdığı heka -
yәlәri xatırlayırdı.
– Bilirsәn, sәn dә Doçanaşvilinin qәhrәmanlarına oxşayır -
s an. Onlar kimi yaşamağa vә hәrәkәt etmәyә çalışırsan. Bu
çox yaxşıdır.
– Doğrudan? – düzü, tәәccüblәndim, ancaq hәm dә sevin-
dim.
Li gözlәrimin içinә baxıb tәrәddüdlә dillәndi:
– Hә, bunu hiss etdim. Kitabı oxuduqca gözümün qaba -
ğına sәn gәlirdin.
310 Әlimi Linin boynuna saldım, xeyli belәcә yol getdik. Bizi
nә yağış, nә dә soyuq narahat edirdi. Sonra bir “Jiquli” sax -
ladıb ikimiz dә arxada oturduq. Sürücü içkili idi, hәm dә ya -
man çox danışırdı. Axırda gülә-gülә bizdәn soruşdu:
– Bir-birinizi sevirsiniz?
Li bәrkdәn güldü. Sürücüyә sarı әyildim:
– Mәn bunun dәlisiyәm, bu isә mәnә gәlmәk istәmir.
Li ciddilәşdi: