Page 259 - Design_Gurcu_Antologiyasi_Layout 1

Qoderzi ×oxeli

Gündüz haradan gәldiklәri mәlum olmayan ala-bәzәk ge -
yimli qaraçılar bu yerlәrdә peyda oldular.
Bağban qaraçıların gәldiklәrini görmәdi. Artıq yaşıllaşmış
meşә kәndin yuxarıdakı tәpәdәn görünmәsinә mane olurdu.
Tinglәrә baş çәkmәk üçün kәndә enmәk çәtin idi. O, gecәlәri
qayanın bir addımlığında keçirir, hәr gecә protez ayağını açıb
yapıncıya büründükdәn sonra qayayla danışırdı:
“İstәsәn dә, istәmәsәn dә, sәni parça-parça elәyәcәyәm.
Görmürsәn, aşağıda ağaclar, camaat var? Sәnsә onları
hәdәlәyirsәn. Tinglәr artıq diriliblәr, heç bilirsәn, necә armud
gәtirәcәklәr... Yox, belә olmaz, gәrәk çilik-çilik, qәlpә-qәlpә
olasan...”
Bağbana uşaqlar yemәk gәtirirdilәr. Qaraçıların peyda
olduqlarını da onlardan öyrәndi. Ancaq qaraçılar onun nәyinә
gәrәk idi axı?!
Qaraçılar camaatda özlәrinә qarşı elә maraq oyatmışdılar
ki, gün çıxandan gün batanacan hamı matdım-matdım onlara
tamaşa elәyirdi.
– Göylәr bizә işarә göndәrir. Göylәr bizә sizin gәlәcә yi -
niz dәn xәbәr verir, – qoca qaraçı qadın gürcü sözlәrini tәhrif
elәyә-elәyә elә hey üyüdüb tökürdü. – Kim öz taleyini bilmәk
istәyirsә, qiymәtli nәyi var, gәtirsin. – O, adamların sifәtindә
inam görüb әlavә elәdi. – Bu gecә o qiymәtli әşyaları başımı -
zın altına qoyub yatacaq, yuxuda sizin taleyinizi görәcәyik.
Camaat qiymәtli әşyalarını onlara etibar elәmәklә bağlı
tәrәddüd keçirirdi. Qaraçılar kәnddәn aralıda köç salmı ş dılar.
Yalnız keşişin arvadı gümüş kәmәrini, Piduai dә xәncәrini
qaraçılara vermәyi qәt elәdi. Başqaları isә sәbir elәmәyi qәrara 259
aldılar.
Gecә düşürdü.
Bağban şәr qarışanacan qayayla әllәşdi. Ona bu gün çörәk
gәtirәn olmadı. Qaraçıların gәlişi qocanı tamam unutdurmuş -
du.
Sәhәr qaraçılar keşişin arvadına keçmiş hәyatını bütün
xırdalıqlarınacan danışanda camaat şübhәdәn әl çәkdi, evlә -
rin dә qiymәtli nә vardısa, gәtirib qaraçılara verdilәr.