Page 247 - Design_Gurcu_Antologiyasi_Layout 1

Qoderzi ×oxeli

Cğunai evә girdi.
Beri çarpayıda oturmuşdu. Paltarının sol çiynini kәs -
mişdilәr, oradan balaca küknar ağacının başı görünürdü.
Çılpaq ayaqlarını çarpayının qabağında qazılmış çalaya salla -
mışdı, üstünә su tökürdü.
– Belә elәmә, Beri, elәmә, soyuq dәyәr, özünü niyә öldü -
rürsәn? – Altmış yaşlarında olan hәkim – alçaqboylu yәhu di
qadın yalvarırdı.
Bu hәkim qudamağarililәrin müalicә mәlәyidi.
– A kişi, belә dә iş olar, iynәlәri vurmağa qoymursan, özün
dә ayaqlarını soyuq torpağa – suya salıbsan, belә şeylә dәrdinә
dәrman olar?
– Mәnә yox, amma buna kömәyi dәyәr. – Beri çiynindәki
balaca küknarı göstәrdi.
– A sağolmuş, bәyәm başa düşmürsәn ki, sәn ölsәn, küknar
da mәhv olacaq? Niyә üzә durursan, vurdur da iynәlәrini.
– İynәlәr onu qurudar, görmürsәn, necә soluxur.
Beri ayaqlarını basdırdığı torpağa yenә su tökdü. Bir yad
adam otağa girib onlarla salamlaşdı. Beri onun salamını alıb
damağındakı siqareti göstәrdi:
– Söndür, onun tüstüsünün küknara ziyanı dәyә bilәr.
Yeni gәlәn adam siqareti söndürüb dedi:
– Mәn mәktәbinizin tәzә coğrafiya müәllimiyәm, bu
qәribә hadisәni eşidib, sizә gәlmişәm. Çox tәәccüblüdü, birinci
dәfә eşidirәm ki, insanın çiynindә küknar bitib. Heç inanmaq
olmur. Siz Allah, mәni başa salın görüm, bu nә işdi belә?
– Burada dәrindәn başa salınmalı nә var, küknar elә-belә
bitib dә, vәssalam, – Beri cavab verdi. 247
– Siz nә danışırsınız, necә yәni “vәssalam”? Mәnsә
eşitmişәm ki, küknara öz övladınız kimi baxırsınız. Açıq
havada gәzdirirsiniz ki, dәrmanlar onu qurutmasın, öz
hәyatınızı tәhlükәyә salırsınız. Ona övladınız, canınızın bir
hissәsi kimi baxırsınız. Adam lap mat qalır…
– Mәnim uşaqlarım yoxdu, – Beri dedi, yeni siqaret
yandırmaq istәyәn müәllimdәn xahiş elәdi, – mümkünsә, bu-
rada çәkmәyin.