Page 205 - Design_Gurcu_Antologiyasi_Layout 1

Avtandil ×xikviøvili

Kerosin azalmışdı, qәnaәt elәmәk lazım idi. Birtәhәr ocağı
qaladı. Alov güclәnәndә gözlәri qaraldı, elә bil küt alәtlә boy-
nunun ardına bәrk vurdular. Gözlәrinin qarşısında qara vә
çәhrayı dairәciklәr oynaşmağa başladı, yıxılmamaq üçün
odunlardan yapışdı. Ağrısını heç cür sakitlәşdirә bilmirdi. Axır
ki, güclә qalxıb yatağın üstündә oturdu. Gözlәrini qaranlığa
dikib uzun müddәt qımıldanmadı. Sonra qalxıb şkafdan bir
parça quru çörәk götürdü, çәtinliklә dişlәdi.
İlk tikәlәrdәn halı bir qәdәr yaxşılaşdı, özünә gәldi. Amma
mәdәsindәki ağrı daha da şiddәtlәndi. Su dolu qazanı qarmaq-
dan asıb asta-asta çörәk gәvәlәmәyә başladı. Qazandakı su
qaynamağa başlayanda qarğıdalı unuyla dolu kisәni yaxına
çәkib ovuc-ovuc suyun içinә tökdü. Әllәrinin ununu qazandakı
horranın içinә silkib çәllәkdәn pendir çıxardı, bәzәkli dәstәyi
olan әldәqayırma bıçaqla kәsib qazana tökmәyә başladı. Bir
qәdәr duz әlavә elәyib dәstәyi qarsalanmış çömçәylә
qarışdırmağa başladı.
Pıqqıldayan qazandan ocağa sıçrantılar atılıb cızıldayırdı.
Oğlan qarnını doyurub narahatlıq, hәyәcan dolu yuxuya get -
di.
Onu yenә dә inәklәrin böyürtüsü oyatdı, amma daha onlara
acığı tutmur, donquldanmırdı. Qar basmış pәncәrәyә nәzәr
salıb hesabladı ki, tәxminәn üç saat yatıb. Vaxt elә bil dayan -
mış dı.
Oğlan qapını aralayıb qorxa-qorxa bayıra baxdı. Daha qar
yağmadığına sevindi. Bәrk şaxtada yapırıxmış qar donmuşdu.
Solğun Ay işığında bütün vadi bozumtul, almaz rәngli nura
bәlәnmişdi. 205
Oğlan ot gәtirib inәklәrin axuruna tökdü. İnәklәri gündüz,
yoxsa gecә yemlәmәli olduğu barәdә düşünmürdü, tәki sakit
olsunlar, kefikök halda fısıldayıb otu xırtıldatsınlar, aylı
gecәnin buz kimi sükutunu fısıltıları vә ayaq tappıltıları ilә
pozsunlar. Sonra heyvanlara su verib vedrәlәri ehtiyat üçün
qarla doldurdu.
Amma inәklәr sakitlәşmәk bilmirdilәr. Oğlan qәfildәn
mәsәlәnin nә yerdә olduğunu, onların niyә narahatlıq keçirdik -