Page 177 - Design_Gurcu_Antologiyasi_Layout 1

Naira Gelaøvili

arasında xeyli dolaşdı. Boş yellәncәyi yırğaladı. Sonra
tәpәciyin üstünә qalxıb sürüşdü. Şәhәrin “köhnәlmiş”
ulduzlarının altında, saralmış payız otlarının üstünә sәvәrib
xeyli güldü. Sonra eyvana yaxın alma ağacına dırmaşdı, göy
üzünә baxdı, ağacdan eyvana keçdi vә әvvәllәr istifadә etdiyi
yolla binaya daxil oldu. Çarpayıların yanaşı qoyulduğu otağı
keçdi. Bağçanın kәsif qoxusu ürәyini bulandırdı. Aşağı, birinci
mәrtәbәyә enib otaqların birindә divanın üstünә uzandı.
Divanın baş tәrәfindә böyük qoca fikus dururdu, divara isә
uşaqlar çәkdiyi rәsmlәri asmışdılar. Kişinin üç yaşlı oğlu da
bu bağçaya gәlirdi, ola bilsin dә ki, divardakı rәsmlәrdәn biri
onun çәkdiyi rәsm idi.
Bu divanda kişinin gәncliyi sona yetdi. Burada beş yaşlı
eynәkli oğlanın anasıyla sevişirdi. Qadın valideynlәrin
hamısından gec gәlәr, haldan düşmüş, hәr zaman gözü yaşlı
körpәsini evә aparar, gecәyarı geyinib-kecinib tәzәdәn geri
qayıdırdı. Yaşca özündәn böyük, hamar dәrili qadının
qırmızımtıl, yüngülcә burulmuş saçları çiyninә düşürdü;
yanaqlarında, qollarında vә boğazının altında solğun rәngli
çillәr görünürdü, yaşıl gözlәri isә ay işığında parıldayırdı. Do-
nunu özü soyunar, kişinin köynәyinin düymәlәrini dә özü
açardı. Sonra qabırğalarının üstünü әllәriylә oxşayıb yanağını
sinәsinә söykәrdi. Pәncәrәdәn uşaqların divardakı rәsmlәrinә
ay işığı düşәrdi. Bir müddәt hәmin şәkillәr kişiyә “maneә
törәdir”, sonra hәr şey o qadınla bir olduğu anlarda qeybә
çәkilirdi.
Qadın, barmaqlarının hiss olunmayan toxunuşu, bәdәninin
pıçıltıyabәnzәr yüngül hәrәkәti ilә ona unamadığı “yolları” 177
izah edir vә kişi heç hiss etmirdi ki, ona nәyisә öyrәdirlәr...
Tәxminәn bir il aradan sonra, bir sәhәr donunu әyninә geyinә-
geyinә qadın divana uzanmış kişinin üzünә kәdәrlә baxıb dedi
ki, sabah әri xaricdәn qayıdır vә innәn sonra artıq görüşә
bilmәyәcәklәr. Qadın onun boynuna sarıldı, oxşadı, sığalladı
vә kişiyә onun pıçıltıyla dediyi son sözlәri qaldı... Sonralar bir
başqa qadınla görüşmәyә başladı, daha sonra da başqasıyla...