Page 182 - Design_Gurcu_Antologiyasi_Layout 1

Görcö nÿsri antologiyası

* * *
Dörd tәkәrin üstündә duran nәhәng dәyirmi çәllәyin yanı
adamla dolu idi. Yerdәki kvas gölmәçәsinin dörd yanına arı vә
milçәklәr yığılmışdı. Qadın oğlunun dostunu gördü. Әlindә
kvas parçı tutmuşdu. Çox sevindi. Bu uşağı sevirdi. Әvvәllәr,
anası ruhi xәstәliyә tutulub uşaq bibisinin ümidinә qalarkәn,
bunlara tez-tez gәlib-gedirdi. Qadın onu da öz oğlu ilә birlikdә
park vә bağlara, üzmә hovuzu vә kinoya aparırdı. İndi, yәqin,
onun keçmiş әrinin evinә dә gedib-gәlir...
Oğlana doğru bir neçә addım atdı. Ağzı qurumuşdu,
düşündü ki kvas içsin. Hәm dә, bәlkә oğlunun anasının yanına
gәlmәmәyinin sәbәbini bir yolla öyrәnә bilәr, lakin bu haqda
danışmaq onunçün çәtin idi. Oğlan da onu gördü: köhnә dәblә
geyinmiş, qucağında isә pişik balası. Qadına, başını geri atıb
kvas parçını qaldırarkәn fikir verdi. İçib boşaltdığı parçı tez
yerinә qoydu vә çevrilib getdi. Әvvәllәr almanın әn yekәsini
ona verәn, avtobusa ilk növbәdә onu mindirәn, öncә onun,
sonra isә öz oğlunun yerini salan bu qadını çox sevsә dә,
onunla görüşmәk istәmәyib aralandı vә heç oğlanın özü dә
bilmәdi ki nәyә görә.
Qadın başa düşdü ki oğlunun dostu söhbәtdәn qaçdı.
Durub dalınca baxdı; o da oğlu kimi hündür vә enlikürәk idi.
Qadın qucağında yatan pişiyi sığalladı.

* * *
Qәbiristanlığa әl arabalarıyla bazalt daşlar vә tәmizlәnmiş
qara torpaq daşıyırdılar. Qadın mәzarların arası ilә gedәn dar
182 yolda arabacıqları ötüb-keçdi. Uzun müddәt gәzib-dolaşandan
sonra haradasa kәnarda köhnә, sadә mәzarın yanında dayandı.
Alçaq, uzun taxta skamyada oturdu. Gözünü ata-anasının ad
vә soyadlarına zillәdi. Pişik balası hәlә dә qucağında yatırdı.
Kәhrәba üzüyә baxdı, sonra yanağı ilә ona toxunub öpdü.
Mәzarın üstündә öz-özünә yonca bitmişdi; meh hündür
ağaclardan tökülәn sarı yarpaqları qımıldadırdı. Günәş işıq
saçır, hardasa qaratoyuqlar cәh-cәh vururdular.