Page 179 - Design_Gurcu_Antologiyasi_Layout 1

Naira Gelaøvili

tәmizlәyib yerә tüpürdü, bir an durub yerdә gözünә dәyәn
әşyaya baxdı, sonra onu tәpiklә irәli atıb içәri daxil oldu.
Qadın komanın dibinә, torpağın üstünә çöküb üzünü
әllәriylә örtdü. Quş civiltisi onu elә bil yuxudan oyatdı, qadın
başını qaldırıb qarşısındakı budağın üstündә yırğalanan kiçik
quşcığaza gülümsәdi. Ağaca söykәndi vә çalışdı ki, quşun düz
gözlәrinin içinә baxsın, ancaq quş dayanmadan kiçik başını vә
yumru gözlәrini oynadırdı. Qadın düşündü ki, zaldan gәlәn
sәs-küy bu kiçik bağçanı çox narahat edir; bu sәs bağçadakı
cığırın hәr iki tәrәfindә sükut içindә boy göstәrәn qızılgül
lәçәklәrinin tökülmәsini vә ölümünü tezlәşdirәcәk. Bu sәs
olmasaydı, ona müraciәt edәn quş bu qәdәr әsәbilәşmәzdi,
gözünün içinә baxıb şad bir xәbәr söylәyәrdi. Quş uçub getdi
vә qadının ürәyi ağrıdı. Budaqlar arasında çırpınan quşun
arxasınca baxdı vә dünәnki qarğalar yadına düşdü; onsuz da,
hәr dәqiqә dünәnki gün haqqında düşünürdü.
Sәs kәsildi. Qadın dikәlib binaya tәrәf baxdı. Birazdan
oğlanlar tәr vә hәyәcan içindә, çantaları çiyinlәrindә bayıra
çıxdılar. Biri o birinә tәpik vurub qaçdı. Vurulan söyüş söyә-
söyә vuranın arxasınca götürüldü. Birinin papağını çıxarıb
kәnara atdılar vә rәhmsizcәsinә hәrә onun qırxılmış daz
başına bir çırtma vurdu... Biri asfaltlanmış cığırda gördüyü
xırda әşyaya tәpik ilişdirdi. Qadın gözünü binanın qapısından
çәkmirdi. Axırda qara gödәkcәli kişiylә ucaboylu oğlan
çıxdılar. Kişi iki dәfә әliylә oğlanın çiyninә vurub “halal
olsun” dedi. Oğlan yerdәki xırda әşyanı görüb tәpik vurdu vә
әşya bağçanın doqqazının yanına düşdü. Kişi qapıdan gülә-
gülә çıxarkәn onu ayağı ilә basdı. 179
Qadın gözlәrini oğlanın çiyinlәrindәn, başından, davranı -
şından çәkә bilmirdi. Onlar maşına minib gedәndәn sonra yenә
әllәriylә üzünü örtüb dizlәrinin üstünә qoydu. Sonra әlini
çantasına salıb әncir mürәbbәsiylә dolu bankaya toxundu.
Qadına demişdilәr ki, atası hәr dәfә mәşqdәn sonra gәlib
oğlunu qarşılayır, demişdilәr ki, oğlu çayı әncir mürәbbәsi ilә
içmәyi çox sevir... Bağçaya sükut çökdü. Sәssizliyi yalnız