Page 185 - Design_Gurcu_Antologiyasi_Layout 1

Naira Gelaøvili

* * *
Dairәvi işıq uşaq arabasının tәkәrinә düşdü vә yerә sәpә -
lәn miş butulka vә köhnә ayaqqabıları işıqlandırdı. Gözünә
hәminki parlaq gözlü pişik dә sataşdı. Pişik gәrildi, amma
yerindәn tәrpәnmәdi... Güzgünün qabağında durub ovsun -
lanmış kimi köhnә, çirkli, çatlamış güzgüdәki tünd әksinә
baxırdı. “Ay qurumuş gölmәçәnin nәmli dibindә. Ayın üzündә
qadın üzünün lәpiri”. Bunu düşündü vә fәnәrin işığını üzünә
tutdu... Sonra yönünü dәmir pillәkәnә sarı çevirdi vә gözlәrini
yumdu. Kişinin çardaqdan ona әllәrini nә cür uzatdığını bәdәni
ilә xatırladı. Onun әllәrinin tәmasını sanki yenidәn yaşadı.
Әllәrini uzadıb soyuq dәmir tutacaqlardan yapışdı.
Gecә külәyi donunu yellәndirir, uzun saçlarını dolaşdırırdı.
Uzaqda, gecә lampalarının işığında hovuz parıldayırdı. Qadın
yalnız göyә, ay vә ulduzlara baxıb nәsә pıçıldayırdı. Sonra an-
tennaya yaxınlaşdı, әli ilә xaça oxşayan “qanadlarına” to -
xundu, dizi üstә çömәldi, fәnәrin işığını antennanın dibinә vә
göy rәngli kabelә saldı, ayağa qalxdı vә nәsә pıçıldaya-
pıçıldaya soyuq antennanı bәrk-bәrk qucaqladı... Birazdan dik
durub kürәyini qanadlı dәmirә söykәdi vә üzünü göyә tutub
alçaqdan mahnı oxumağa başladı...
Qonşu binanın axırıncı mәrtәbәsindә ortayaşlı kişi pәncәrә
altına söykәnib siqaret çәkirdi. O, hәmin binada yaşayan cavan
bir adamı gözlәyirdi vә o adam bu gün mütlәq evә gәlmәli idi.
O, maşından düşәn kimi kişi atәş açmalıydı. Silahı hazır idi...
Yaşlı kişi birdәn mahnı sәsi eşitdi vә sәksәndi. Nә radio, nә
maqnitofon sәsinә oxşamırdı, sәs canlı idi, canlı qadın sәsi,
lakin kişi bu sәsin haradan gәldiyini başa duşә bilmәdi. 185
Pәncәrәnin ağzında durub boylanırdı. İşıq heç bir pәncәrәdә
yanmırdı. Mahnı kişinin yadına rәhmәtә getmiş oğlunu saldı.
“Nә güclüsәn, ata”, – iyirmi beş yaşlı, neçә aydır ac-susuz
xәstә yatan, rәngi kağız kimi dümağ oğlan atasına hәsәdlә
dedi, zәif әli ilә atasının qüvvәtli, әzәlәli qoluna toxundu vә
canını tapşırdı.
Kişinin kefi lap pozuldu, mahnı oxuyan qadının sәsi onu
nәdәnsә qorxudurdu. Ürәyinә pis şeylәr dammışdı. Hiss etdi