Page 70 - Danilenko

Vladimir Danilenko

zәrf çıxardı, onu da yandırdı; odu üfürüb söndürәndә, әlindә

başqa bir göyәrçin peyda oldu; onu da qәfәsә saldı. Sehrbaz

üçüncü göyәrçini Faddey Şvaqulyakın cibindәn çıxardı vә onu

da qәfәsә qoydu. Sonra üstünü dәsmalla örtdüyü qәfәs

göyәrçinlәrlә birgә yox oldu. İllüzionist Allanın ovcuna

qırmızı şar qoydu, sonra әlini tutub silkәlәdi; Allanın әlindәn

üç şar düşdü. Sehrbaz şarın birini yerdәn götürüb öz cibinә

qoydu, ikisini isә ovcunda gizlәtdi. Әlini açanda gördülәr ki,

ovcunda yenә dә üç qırmızı şar var.

Yarıçılpaq qadının kiçik metal sandıqda rәqs etmәsi kifayәt

qәdәr ekzotik mәnzәrәydi. Rәqqasә elә әzilib-büzülür, әyilir,

elә qıvraq hәrәkәt edirdi, sanki bәdәnindә sümüklәri yoxdu.

Orkestrin müşayiәtilә rәqs edәn qızın gәrilmiş, mum kimi

istәnilәn şәklә düşә bilәn yumşaq bәdәnindәn әtrafa elә bir

maqnetizm yayılırdı ki, bircә dәfә onun rәqsinә baxan kişilәrin

ağlından istәr-istәmәz bir fikir keçirdi: gör, bu qadın yataqda

nәlәrә qadirdir. Gәnc qadının üzündә o qәdәr hissiyyatlı ifadә

vardı, musiqi frazalarına bәdәn hәrәkәtlәrini elә gözәl

uyğunlaşdırırdı ki, tamaşaçılar ondan gözünü çәkә bilmirdi.

Qadın rәqs edә-edә yenidәn sandığa girdi, sanki böyük alov

dili ölәzimәyә başladı. O, sandığın qapısını içәridәn bağlayan-

dan sonra kazak geyimindә möhkәm bәdәnli iki oğlan sandığı

banket zalından götürüb apardılar. Faddey, Alla, Bey vә

Mendel şövqlә әl çalıb, rәqqasәni alqışladılar.

– Siz yaşıl yayın içindәki adamın kim olduğunu soruş-

dunuz? O, hәmin bu rәqqasәydi. Hәlә o, başqa bir sәhnәdә

xadimә rolunda çıxış edәcәk, – Aleksandr Mendel әl çala-çala

Faddeyә sarı çevrildi.

70 – Nәyi nәzәrdә tutursunuz?
– O, yataq otağında sizә yer salacaq vә bir sürpriz elә-

yәcәk.

– Nә sürpriz? – Faddeyi maraq götürdü.

– Vaxtı çatanda hәr şeyi bilәcәksiniz, – Mendel müәm-

mayla gülümsündü.

Orkestr tәntәnәli marş sәslәndirdi, atletik bәdәn quruluşlu

bir kişi qaça-qaça zalın ortasına gәldi. O, hәr әlindә bir qılınc