Page 68 - Danilenko

Vladimir Danilenko

sol qolunun üstündә dәsmal tutan eşikağası qarşıladı. Faddey

eşikağasının qarşısında ayaq saxladı. Eşikağası nәzakәtlә

tәzim edib, yumşaq sәslә dedi:

– Nahara buyurun.

İkinci mәrtәbәdә mәrasim marşı sәslәndi. Faddeylә Alla,

onların arxasınca Aleksandr Mendel, Roman Bey vә hansısa

tarixi dövrә aid köhnә paltarlar geymiş aktyorlar zala doğru

hәrәkәt etmәyә başladılar. Zalın ağır qapıları açıldı, qırmızı

sütunlar vә krem rәngli, işlәmәli tavan göründü. Şamlar zalı

parlaq işığa qәrq etmişdi. Zalın sol tәrәfindә, pәncәrәnin

önündәki köhnә royal yanında orkestr musiqi çalırdı. Enli

qadın tumanında kiçik addımlarla yeriyәn Alla sanki havada

süzürdü. Balina bığlarından düzәldilmiş qotazlar qurşağında

yellәnir, ona gülmәli görkәm verirdi. Onadamlıq stolun әtra-

fında iki gonbul, amma sәliqәli lakey vurnuxurdu. Әyinlә-

rindәki livreya onlara o qәdәr yaraşırdı ki, elә bil hәyatları

boyu yalnız bu işlә mәşğul olmuşdular. Qulluqçular Allanın

kreslosunu çәkib, yer göstәrdilәr. Faddey Allayla üzbәüz

oturdu. Mendellә Bey onun yanında әylәşdilәr. Alla yelpiyi

qoymaq üçün stolun üstündә gözlәriylә yer axtarırdı. Nәhayәt,

münasib yer tapa bilmәyib, yelpiyi dizinin üstünә qoydu.

Әvvәlcә getman borşu vә içalat şorbası verdilәr. Kişilәr

araq içirdilәr. Qatı, qara çaxır içәn Alla susub, onların söhbәtini

dinlәyirdi.

– Bu mebel Tarnovskilәrin vaxtından qalıb? – Faddey

maraqlandı.

– Bunlar, әsasәn, antikvar mağazalardan alınıb, – Alek-

sandr Mendel cavab verdi. – Siz özünüzü elә aparmalısınız ki,

68 guya on doqquzuncu әsrdәsiniz.
– Bu il qarabaşaq az oldu, – Faddey sanki yuxudan ayıldı. –

Şәkәr çuğunduru da bitmәdi. Amma xeyli çovdar toplaya

bildik. Çovdar sarıdan korluğumuz olmayacaq.

– Deyilәnә görә, Qoqol qonağınız olub! – içalat şorbasını

qaşıqlayan Bey dedi.

– Hә, keçәn hәftә getdi, – Şvaqulyak qaşığı ağzına apardı. –

Sizә deyim ki, itoynadanın biridir. Bu qәdәr gülmәli sözlәri